ஐபிஎல் தொடரில் தனித்துவ சாதனை படைத்த ஹர்ஷல் படேல்!

ஐபிஎல் தொடர் வரலாற்றில் அதிக முறை 4 விக்கெட்டுகளை வீழ்த்திய இந்திய வேகப்பந்து வீச்சாளர் எனும் சாதனையை ஹர்ஷல் படேல் பாடைத்துள்ளார்.

ஐபிஎல் தொடரில் தனித்துவ சாதனை படைத்த ஹர்ஷல் படேல்! (Image Source: Google)

ஐபிஎல் தொடரில் நேற்று சென்னை எம் ஏ சிதம்பரம் கிரிக்கெட் மைதானத்தில் நடைபெற்ற லீக் போட்டியின் சன்ரைசர்ஸ் ஹைதராபாத் ஆணி 5 விக்கெட் வித்தியாசத்தில் சென்னை சூப்பர் கிங்ஸை வீழ்த்தி அபார வெற்றியைப் பெற்றதுடன் பிளே ஆஃப் சுற்றுக்கான வாய்ப்பையும் தக்கவைத்துள்ளது. 

அதேசமயம் இந்த தோல்வியின் மூலம் சென்னை சூப்பர் கிங்ஸ் அணியானது அடுத்தடுத்த தோல்விகளின் காரணமாக பிளே ஆஃப் சுற்றுக்கு முன்னேறும் வாய்ப்பை ஏறத்தாழ இழந்துள்ளது. மேற்கொண்டு இப்போட்டியில் அபாரமான பந்துவீச்சை வெளிப்படுத்திய சன்ரைசர்ஸ் ஹைதராபாத் அணியின் வேகப்பந்து வீச்சாளர் ஹர்ஷல் படேல் ஆட்டநாயகன் விருதை வென்றதுடன், ஐபிஎல் தொடரிலும் தனித்துவ சாதனையையும் படைத்து அசத்தியுள்ளது. 

அதன்படி இப்போட்டியில் ஹர்ஷல் படேல் 4 விக்கெட்டுகளை கைப்பற்றியதன் மூலம், ஐபிஎல் தொடர் வரலாற்றில் அதிக முறை 4 விக்கெட்டுகளை வீழ்த்திய இந்திய வேகப்பந்து வீச்சாளர் எனும் சாதனையைப் பாடைத்துள்ளார். அவர் இதுவரை 111 இன்னிங்ஸ்களில் விளையாடி 4 முறை 4+ விக்கெட்டுகளை வீழ்த்தி அசத்தியுள்ளார். இதன்மூலம் அவர் மோஹித் சர்மா, ஜஸ்பிரித் பும்ரா, புவனேஷ்வர் குமார் ஆகியோரின் சாதனைகளையும் முறியடித்துள்ளார். 

ஐபிஎல் தொடரில் அதிக முறை 4 விக்கெட்டுகள் வீழ்த்திய இந்திய வேகப்பந்து வீச்சாளர்கள்

• ஹர்ஷல் படேல் - நான்கு முறை (4 விக்கெட்டுகள்)
• மோஹித் சர்மா - மூன்று முறை (4 விக்கெட்டுகள்)
• ஜஸ்பிரித் பும்ரா - இரண்டு முறை (4 விக்கெட்டுகள்)
• புவனேஷ்வர் குமார் - இரண்டு முறை (4 விக்கெட்டுகள்)

அதேசமயம் ஐபிஎல்லில் அதிகபட்சமாக 4 விக்கெட்டுகளை வீழ்த்திய சாதனை இந்திய சுழற்பந்து வீச்சாளர் யுஸ்வேந்திர சாஹல் மற்றும் வெஸ்ட் இண்டீஸ் ஜாம்பவான் சுனில் நரைன் ஆகியோரின் பெயரில் பதிவு செய்யப்பட்டுள்ளது. அவர்கள் இருவரும் ஐபிஎல் தொடரில் இதுவரை தலா 7 முறை 4+ விக்கெட்டுகளை கைப்பற்றி அசத்தியுள்ளனர் என்பதும் குறிப்பிடத்தக்கது. 

இந்த போட்டி குறித்து பேசினால் டாஸை இழந்து முதலில் பேட்டிங் செய்த சென்னை சூப்பர் கிங்ஸ் அணியில் அறிமுக வீரர் டெவால்ட் பிரீவிஸ் அதிரடியாக விளையாடி ஒரு பவுண்டரி, 4 சிக்ஸர்கள் என 42 ரன்களிலும், ஆயூஷ் மாத்ரே 6 பவுண்டரிகளுடன் 30 ரன்களையும், தீபக் ஹூடா 22 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களில் நடையைக் கட்டினர். இதனால் சிஎஸ்கே அணி 19.5 ஓவர்களிலேயே அனைத்து விக்கெட்டுகளையும் இழந்து 154 ரன்களுக்கு ஆல் அவுட்டானது. 

பின்னர் இலக்கை நோக்கி விளையாடிய சன்ரைசர்ஸ் ஹைதராபாத் அணிக்கு இஷான் கிஷான் 44 ரன்களையும், இறுதிவரை ஆட்டமிழக்காமல் இருந்த கமிந்து மெண்டிஸ் 32 ரன்களையும், நிதீஷ் ரெட்டி 19 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் சன்ரைசர்ஸ் ஹைதராபாத் அணி 18.4 ஓவர்களில் இலக்கை எட்டி 5 விக்கெட் வித்தியாசத்தில் சென்னை சூப்பர் கிங்ஸை வீழ்த்தி வெற்றிபெற்றது குறிப்பிடத்தக்கது.