கேப்டன்ஷியில் ரோஹித்தை நான் பின்பற்றி வருகிறேன் - சூர்யகுமார் யாதவ்!
ரோஹித் சர்மா அணி வீரர்களை எப்படி நடத்துகிறார், அவர்களிடமிருந்து என்ன எதிர்பார்ப்பார் என்பதை நான் அறிவேன். மேலும் அதனை பயன்படுத்தி அதில் அவர் வெற்றி பெற்றதால் நானும் அதே வழியை பின்பற்றி வருகிறேன் என இந்திய அணி கேப்டன் சூர்யகுமார் யாதவ் தெரிவித்துள்ளார்.
தென் ஆப்பிரிக்காவில் சுற்றுப்பயணம் மேற்கொண்டுள்ள இந்திய அணி 4 போட்டிகள் கொண்ட டி20 தொடரில் விளையாடவுள்ளது. அதன்படி நவம்பர் 08ஆம் தேதி தொடங்கும் இத்தொடரானது நவம்பர் 14ஆம் தேதி முடிவடையவுள்ளது. இத்தொடரின் முதல் போட்டி டர்பனிலும், இரண்டாவது போட்டி க்கெபெர்ஹாவிலும், மூன்றாவது போட்டி செஞ்சூரியனிலும், நான்காவது போட்டி ஜொஹன்னஸ்பர்க்கிலும் நடைபெறவுள்ளது.
இதில் இந்திய அணி வங்கதேச அணிக்கு எதிரான டி20 தொடரை 3-0 என்ற கணக்கில் முழுமையாக கைப்பற்றிய கையோடு இப்போட்டியை எதிர்கொள்ளவுள்ளது. அதேசமயம் தென் ஆப்பிரிக்க அணியோ ஆஃப்கானிஸ்தானுக்கு எதிரான டி20 தொடரை இழந்த கையோடு இந்த டி20 தொடரை எதிர்கொள்ளவுள்ளது. மேற்கொண்டு இந்தாண்டு நடந்து முடிந்த ஐசிசி ஆடவர் டி20 உலகக்கோப்பை கிரிக்கெட் தொடரின் இறுதிப்போட்டியில் நேருக்கு நேர் மோதிய இரு அணிகள் முதல் முறையாக மீண்டும் மோதவுள்ளதால் இத்தொடரை எந்த அணி கைப்பற்றும் என்பது குறித்து ரசிகர்கள் எதிர்பார்ப்புகள் அதிகரித்துள்ளது.
Trending
இந்நிலையில் இரு அணிகளுக்கும் இடையேயான முதல் டி20 போட்டி இன்று நடைபெறவுள்ள நிலையில், தனது கேப்டன்சி பாணி குறித்து சூர்யகுமார் யாதவ் விளக்கமளித்துள்ளார். இதுகுறித்து பேசியா அவர், “ரோஹித் சர்மா அணி வீரர்களை எப்படி நடத்துகிறார், அவர்களிடமிருந்து என்ன எதிர்பார்ப்பார் என்பதை நான் அறிவேன். மேலும் அதனை பயன்படுத்தி அதில் அவர் வெற்றி பெற்றதால் நானும் அதே வழியை பின்பற்றி வருகிறேன். நான் மைதானத்தில் இருக்கும்போது, அவருடைய உடல் மொழி எப்படி இருக்கிறது, அழுத்தமான சூழ்நிலையில் அவர் எவ்வளவு அமைதியாக இருக்கிறார், பந்து வீச்சாளர்களிடம் எப்படிப் பேசுகிறார், மைதானத்திலும், மைதானத்துக்கு வெளியேயும் எப்படி நடந்துகொள்கிறார் என்பதை நான் தொடர்ந்து கவனித்து வருகிறேன்.
மிக முக்கியமாக, ஒரு தலைவரிடமிருந்து நீங்கள் எதிர்பார்ப்பது எல்லாம் அவர் உங்களுடன் எவ்வளவு நேரம் செலவிடுகிறார் என்பது தன். அதனையே நான் இங்கு மீண்டும் செய்ய முயற்சிக்கிறேன். நான் மைதானத்தில் இல்லாதபோது, எனது சக வீரர்களுடன் நேரத்தை செலவிடவும், அவர்களுடன் உணவு அருந்தவும், ஒன்றாக பயணம் செய்யவும் முயற்சி செய்கிறேன். மேலும் இது அனைத்தும் களத்தில் பிரதிபலிக்கும் சிறிய விஷயங்கள். உங்கள் அணி வீரர்களிடம் நீங்கள் மரியாதையைப் பெற விரும்பினாலும், அதனை அவர்கள் மைதானத்தில் கொடுக்க வேண்டும் என்று விரும்பினாலும் இவை அனைத்தும் மிகவும் முக்கியமானவை.
Also Read: Funding To Save Test Cricket
அதில் நான் எனது பங்கிற்கு என்னுடைய சில விஷயங்களையும் சேர்த்துள்ளேன். அதனால் நாங்கள் தற்போது முன்னோக்கி செல்கின்றோம். தென் ஆப்பிரிக்காவுக்கு எதிராக டி20 உலகக் கோப்பையாக இருந்தாலும் அல்லது இருதரப்பு போட்டியாக இருந்தாலும் அது எப்போதும் சவாலானதாகவே இருந்து வருகிறது. கடைசியாக நாங்கள் இங்கு வந்தபோது, அது ஒரு நல்ல தொடராக இருந்தது. அதனால் கடந்த முறை நாங்கள் தவறவிட்ட சிலவற்றை இந்த முறை மீண்டும் சரிசெய்ய விரும்புகிறேன். ஆனால் அது எப்போதும் சவாலாகவும் இருக்கும், ஏனெனில் இரு தரப்பும் ஒரே தரநிலையில் இருப்பதனால் தான்” என்று தெரிவித்துள்ளார்.
Win Big, Make Your Cricket Tales Now
