நியூசிலாந்து டி20 தொடருக்கான ஆஸ்திரேலிய மகளிர் அணி அறிவிப்பு!
நியூசிலாந்தில் சுற்றுப்பயணம் மேற்கொண்டு 3 போட்டிகள் கொண்ட டி20 தொடரில் விளையாடும் ஆஸ்திரேலிய மகளிர் அணி இன்று அறிவிக்கப்பட்டுள்ளது.
இந்நிலையில் நியூசிலாந்து டி20 தொடரில் பங்கேற்கும் 14 பேர் அடங்கிய ஆஸ்திரேலிய மகளிர் அணியை அந்நாட்டு கிரிக்கெட் வாரியம் இன்று அறிவித்துள்ளது. அதன்படி தஹ்லியா மெக்ராத் தலைமையிலான இந்த அணியில் சில முக்கிய மாற்றங்களும் செய்யப்பட்டுள்ளன. அதில் மிக முக்கியாமானதாக அந்த அணியின் நட்சத்திர வீராங்கனை அலீசா ஹீலி தனது காயத்தில் இருந்து குணமடையாத காரணத்தால் இத்தொடரில் அவருக்கு ஓய்வளிக்கப்பட்டுள்ளது.
Trending
இதன் காரணமாக அறிமுக வீராங்கனை நிக்கோல் ஃபால்டம் ஆஸ்திரேலிய டி20 அணியில் சேர்க்கப்பட்டுள்ளார். அதேசமயம் இந்த அணியின் துணைக்கேப்டனாக ஆஷ்லே கார்ட்னர் நியமிக்கப்பட்டுள்ளார். இதுதவிர்த்து எல்லிஸ் பெர்ரி, பெத் மூனி, அனபெல் சதர்லேண்ட் உள்ளிட்ட நட்சத்திர வீரர்களுடன், அலான கிங், கிம் கார்த், கிரேஸ் ஹாரிஸ், ஜார்ஜியா வோல் உள்ளிட்டோரும் தங்கள் இடங்களைத் தக்கவைத்துள்ளனர்.
இந்நிலையில் இந்த அணி தேர்வு குறித்து ஆஸ்திரேலிய மகளிர் தேர்வுகுழு தலைவர் ஷான் ஃப்ளெக்லர் கூறுகையில், “இந்த டி20 அணியில் நிக்கோல் ஃபால்டனை அணியில் சேர்க்க முடிந்திருப்பது உற்சாகமாக இருக்கிறது, அவர் நீண்ட காலமாக நிலையான வீரராக இருந்து வருகிறார், மேலும் தொடரின் போது பெத் மூனிக்கு ஏற்ற சரியான மாற்று வீராங்கனையாகவும் அவர் இருப்பார் என்று நம்புகிறேன்” என்று தெரிவித்துள்ளார்.
ஆஸ்திரேலிய மகளிர் டி20 அணி: தஹ்லியா மெக்ராத் (கேப்டன்), ஆஷ்லே கார்ட்னர், டார்சி பிரவுன், நிக்கோல் ஃபால்டம், கிம் கார்த், கிரேஸ் ஹாரிஸ், அலனா கிங், ஃபோப் லிட்ச்ஃபீல்ட், பெத் மூனி, எலிஸ் பெர்ரி, மேகன் ஷட், அனபெல் சதர்லேண்ட், ஜார்ஜியா வோல், ஜார்ஜியா வேர்ஹாம்
Also Read: Funding To Save Test Cricket
நியூசிலாந்து - ஆஸ்திரேலியா தொடர் அட்டவணை
- மார்ச் 21: ஈடன் பார்க் மைதானம், ஆக்லாந்து
- மார்ச் 23: பே ஓவல் மைதானம், டௌரங்கா
- மார்ச் 26: ஸ்கை மைதானம், வெலிங்டன்
Win Big, Make Your Cricket Tales Now
