டி20 தரவரிசை: டாப் 10-இல் மீண்டும் நுழைந்தார் விராட் கோலி!
பாகிஸ்தான் அணியுடனான போட்டியின் மூலம் ஐசிசி தரவரிசை பட்டியலில் விராட் கோலி உச்சம் கண்டுள்ளார்.
இப்போட்டியில் இந்திய அணி வெற்றி பெறுவதற்கு மிக முக்கிய காரணம், விராட் கோலி எனும் தனி நபர் போராட்டம் தான். ஒற்றை ஆளாக களத்தில் தூண் போல நின்ற விராட் கோலி 53 பந்துகளில் 6 பவுண்டரிகள் மற்றும் 4 சிக்ஸர்களுடன் 82 ரன்களை விளாசினார். குறிப்பாக கடைசி 2 ஓவர்களில் அவர் காட்டிய அதிரடி இந்தியாவை வெற்றி பாதைக்கு அழைத்து சென்றது.
Trending
இந்நிலையில் அந்த ஒரு போட்டியில் கோலி காட்டிய அதிரடி ஐசிசி தரவரிசைப் பட்டியலில் பெரும் தாக்கத்தை ஏற்படுத்தியுள்ளது. ஐசிசி வெளியிட்டுள்ள புதிய டி20 பேட்ஸ்மேன் தரவரிசைப் பட்டியலில், 15ஆவது இடத்தில் இருந்த விராட் கோலி 5 இடங்கள் முன்னேறி 9ஆவது இடத்திற்கு முன்னேறியுள்ளார்.
ஒரு வீரர் முதல் இன்னிங்ஸின் போது விளையாடுவதை விட சேஸிங்கின் போது சிறப்பாக விளையாடும் போது அதிகப்படியான ஐசிசி புள்ளிகள் கிடைக்கும். அதன் அடிப்படையில் தான் விராட் கோலி 5 முன்னணி வீரர்களை முந்திக்கொண்டு டாப் 10 வரிசைக்குள் இடம்பிடித்துள்ளார்.
இந்த தரவரிசைப்பட்டியலில் பாகிஸ்தான் வீரர் முகமது ரிஸ்வான் முதலிடத்தில் தொடர்ந்து நீடிக்கிறார். நியூசிலாந்து வீரர் டெவோன் கான்வே 2ஆவது இடத்திலும், 3ஆவது இடத்தில் இந்திய வீரர் சூர்யகுமார் யாதவும் இடம்பிடித்துள்ளனர். இந்த டி20 உலகக்கோப்பை மூலம் பெரிய மாற்றங்கள் வரலாம் என எதிர்பார்க்கப்படுகிறது.
Win Big, Make Your Cricket Tales Now
