பந்து தாக்கி படுகாயமடைந்த இமாம் உல் ஹக் - காணொளி!

நியூசிலாந்துக்கு எதிரான மூன்றாவது டி20 போட்டியின் போது பாகிஸ்தான் அணியின் தொடக்க வீரர் இமாம் உல் ஹக் படுகாயமடைந்த காணொளி வைரலாகி வருகிறது.

பந்து தாக்கி படுகாயமடைந்த இமாம் உல் ஹக் - காணொளி! (Image Source: Google)

நியூசிலாந்தில் சுற்றுப்பயணம் மேற்கொண்டு வரும் பாகிஸ்தான் அணி தற்சமயம் 3 போட்டிகள் கொண்ட ஒருநாள் தொடரில் விளையாடி வருகிறது. இதில் இரு அணிகளுக்கும் இடையேயான மூன்றாவது மற்றும் கடைசி ஒருநாள் போட்டி மவுண்ட் மாங்னூயில் இன்று நடைபெற்றது. 

இப்போட்டியில் டாஸை இழந்து முதலில் பேட்டிங் செய்த நியூசிலாந்து அணியில் தொடக்க வீரர் ரைஸ் மாரியூ அரைசதம் கடந்து அசத்தினார். இதில் அவர் 58 ரன்களைச் சேர்த்து விக்கெட்டை இழக்க, இறுதியில் அதிரடியாக விளையாடிய கேப்டன் மைக்கேல் பிரேஸ்வெலும் அரைசதம் கடந்ததுடன் 59 ரன்களைச் சேர்த்து அசத்தினார். இதன்மூலம் நியூசிலாந்து அணி நிர்ணயிக்கப்பட்ட 42 ஓவர்களில் 8 விக்கெட்டுகளை இழந்து 264 ரன்களைச் சேர்த்தது. 

பின்னர் இலக்கை நோக்கி விளையாடிய பாகிஸ்தான் அணியில் பாபர் ஆசாம் 50 ரன்களையும், முகமது ரிஸ்வான் 37 ரன்களையும், அப்துல்லா ஷஃபிக் 33 மற்றும் தயப் தாஹிர் தலா 33 ரன்களையும் சேர்த்ததை தவிர்த்து மற்ற வீரர்கள் பெரிதளவில் ரன்களைச் சேர்க்க தவறினர். இதனால் பாகிஸ்தான் அணி 40 ஓவர்களிலேயே அனைத்து விக்கெட்டுகளையும் இழந்ததுடன் 221 ரனகளில் ஆல் அவுட்டானது. 

நியூசிலாந்து அணி தரப்பில் அபாரமான பந்துவீச்சை வெளிப்படுத்திய பென் சீயர்ஸ் 5 விக்கெட்டுகளையும், ஜேக்கப் டஃபி 2 விக்கெட்டுகளையும் வீழ்த்தினார். இதன்மூலம் நியூசிலாந்து அணி 43 ரன்கள் வித்தியாசத்தில் பாகிஸ்தான் அணியை வீழ்த்தியதுடன், ஒருநாள் தொடரையும் 3-0 என்ற கணக்கில் கைப்பற்றி அசத்தியுள்ளது. இப்போட்டியின் ஆட்டநாயகன் விருதை மைக்கேல் பிரேஸ்வெல்லும், தொடர் நாயகன் விருதை பென் சீயர்ஸூம் கைப்பற்றினர்.

Imam ul Haq retired hurt#PAKvNZ #PakistanCricket #Cricket pic.twitter.com/ulUYUzrPtx

— Urooj Jawed (@uroojjawed12) April 5, 2025

இந்நிலையில் இப்போட்டியின் போது பாகிஸ்தான் அணியின் தொடக்க வீரர் இமாம் உல் ஹக் படுகாயமடைந்து போட்டியில் இருந்து பாதியிலேயே விலகினார். அதன்படி, இன்னிங்ஸின் மூன்றாவது ஓவரை நியூசிலாந்தின் வில்லியம் ஓ ரூர்க் வீசிய நிலையில் அந்த ஓவரை எதிர்கொண்ட இமாம் உல் ஹக் பந்தை ஆஃப் சைடில் அடித்த கையோடு சிங்கிள் எடுக்க முயற்சித்தார். அப்போது கவர் திசையில் ஃபீல்டிங் செய்து கொண்டிருந்த வீரர் பந்தை த்ரோ அடிக்க முயற்சித்தார். 

இதற்கிடையில் இமாம் உல் ஹக் க்ரீஸை எட்டும் முயற்சியில் ஓடிய போது பந்து அவரின் ஹெல்மட்டை தாக்கியதுடன் பாதுகப்பு கம்பிக்குள்ளும் நுழைந்தது. இதனால் இமாம் உல் ஹக் நிலை தடுமாறி கீழே விழுந்ததை அடுத்து மருத்துவ குழுவின் களத்திற்கு வந்து அவரை பரிசோதித்தனர். பின்னர் அவரால் மேற்கொண்டு பேட்டிங் செய்ய முடியாது என்பதால் ஸ்ட்ரெட்சரில் மைதானத்தை விட்டு வெளியேறினார். இந்நிலையில் இமாம் உல் ஹக் காயமடைந்த காணொளி வைரலாகி வருகிறது.