பாகிஸ்தான் அணிக்கு வாழ்த்து தெரிவித்த முன்னாள் பிரதமர்!

உலக கோப்பை அரையிறுதி ஆட்டத்தில் நியூசிலாந்து அணியை வீழ்த்தி இறுதிப் போட்டிக்கு முன்னேறிய பாகிஸ்தான் அணிக்கு முன்னாள் அணி வீரரும், முன்னாள் பிரதமருமான இம்ரான் கான் வாழ்த்துகள் தெரிவித்துள்ளார்.

Imran Khan shares special message for Babar Azam & Co. during PAK vs NZ WC semis (Image Source: Google)

ஆஸ்திரேலியாவில் எட்டாவது டி20 உலக கோப்பை போட்டிகள் நடைபெற்றுவருகின்றன. இந்தத் தொடரின் வாழ்வா? சாவா? அரையிறுதி ஆட்டத்தில் பாகிஸ்தான், நியூசிலாந்து அணிகள் மோதின.

சிட்னியில் நேற்று நடைபெற்ற இந்தப் போட்டியில் நியூசிலாந்து அணியை 7 விக்கெட்டுகள் வித்தியாசத்தில் வீழ்த்தி பாகிஸ்தான் வரலாற்று சிறப்புமிக்க வெற்றியை பதிவு செய்தது.

இந்தப் போட்டியில் பாபர் ஆசாம், முகம்மது ரிஸ்வான் ஜோடி 3ஆவது பார்ட்னர்ஷிப்பில் 100 ரன்களுக்கு மேல் குவித்து வெற்றிக்கு வித்திட்டனர். இந்நிலையில், பாகிஸ்தான் அணியை வெகுவாக பாராட்டியுள்ளார் 1992 உலக கோப்பை கேப்டன் இம்ரான் கான். 

இது குறித்து அவர் ட்விட்டரில், “சிறப்பு மிக்க வெற்றியை தேடிதந்த கேப்டன் பாபர் ஆசம் மற்றும் அணி வீரர்களுக்கு வாழ்த்துகள்” எனத் தெரிவித்துள்ளார். இதேபோல் முன்னாள் வீரர்கள் வாசிம் அக்ரம், இந்திய வீரர்கள் சுரேஷ் ரெய்னா, சஞ்சய் மஞ்ரேக்கர் உள்ளிட்டோரும் பாகிஸ்தான் அணிக்கு வாழ்த்துகள் தெரிவித்துள்ளனர்.