IND vs WI, 2nd T20I: விராட் கோலி, ரிஷப் பந்த் அரைசதம்; விண்டீஸுக்கு 187 டார்கெட்!
வெஸ்ட் இண்டீஸுக்கு எதிரான 2ஆவது டி20 போட்டியில் முதலில் பேட்டிங் செய்த இந்திய அணி 187 ரன்களை இலக்காக நிர்ணயித்துள்ளது.
அதன்படி களமிறங்கிய இந்திய அணியில் இஷான் கிஷான் 2 ரன்களில் ஆட்டமிழந்து ஏமாற்றமளித்தார். அதன்பின் ஜோடி சேர்ந்த கேப்டன் ரோஹித் சர்மா - விராட் கோலி இணை ஆக்ரோஷமான ஆட்டத்தை வெளிப்படுத்தி ஸ்கோரை உயர்த்தினர்.
Trending
அதன்பின் 19 ரன்களில் ரோஹித் சர்மா ஆட்டமிழக்க, சூர்யகுமார் யாதவும் 8 ரன்களில் ரோஸ்டன் சேஸிடம் விக்கெட்டை இழந்தார்.
இருப்பினும் மறுமுனையில் சிரப்பான ஆட்டத்தை வெளிப்படுத்திய விராட் கோலி சர்வதேச டி20 கிரிக்கெட்டில் தனது 30ஆவது அரைசதத்தைக் கடந்தார். ஆனால் அந்த மகிழ்ச்சி நீடிப்பதற்கு முன்னதாகவே ரோஸ்டன் சேஸ் அவரை போல்டாக்கினார்.
அதன்பின் ஜோடி சேர்ந்த ரிஷப் பந்த் - வெங்கடேஷ் ஐயர் இணை பவுண்டரிகளாக பறக்கவிட்டு வெஸ்ட் இண்டீஸ் பந்துவீச்சை பதம் பார்த்தனர்.
தொடர்ந்து அசத்தலான ஆட்டத்தை வெளிப்படுத்திய ரிஷப் பந்த் 27 பந்துகளில் அரைசதம் கடந்தார். இதன்மூலம் 20 ஓவர்கள் முடிவில் இந்திய அணி 5 விக்கெட்டுகளை இழந்து 186 ரன்களைச் சேர்த்தது.
இதில் அதிகபட்சமாக ரிஷப் பந்த், விராட் கோலி தலா 52 ரன்களைச் சேர்த்தனர். வெஸ்ட் இண்டீஸ் அணி தரப்பில் ரோஸ்டன் சேஸ் 3 விக்கெட்டுகளைக் கைப்பற்றினார்.
Win Big, Make Your Cricket Tales Now
