IND vs ENG: முதல் டி20 போட்டிக்கான இந்திய அணியின் உத்தேச லெவன்!
இந்தியா - இங்கிலாந்து அணிகளுக்கு இடையேயான முதல் டி20 போட்டி நாளை மறுநாள் நடைபெறும் நிலையில், இப்போட்டிக்கான இந்திய அணியின் கணிக்கப்பட்ட லெவனை இப்பதிவில் பார்ப்போம்.
இந்தியாவில் சுற்றுப்பயணம் மேற்கொண்டுள்ள இங்கிலாந்து அணி ஐந்து போட்டிகள் கொண்ட டி20 தொடரிலும் மற்றும் மூன்று ஒருநாள் போட்டிகள் கொண்ட ஒருநாள் தொடரிலும் விளையாடவுள்ளது. இதில் இரு அணிகளுக்கும் இடையேயான டி20 தொடர் 22ஆம் தேதியும், ஒருநள் தொடரானது பிப்ரவரி 6ஆம் தேதி முதலும் நடைபெறவுள்ளது. இதனையடுத்து டி20 தொடருக்கான இரு அணிகளும் அறிவிக்கப்பட்டுள்ளன.
இதில் இந்தியா மற்றும் இங்கிலாந்து அணிகளுக்கு இடையே ஐந்து போட்டிகள் கொண்ட டி20 தொடரின் முதல் போட்டி ஜனவரி 22 அன்று கொல்கத்தாவின் ஈடன் கார்டன் கிரிக்கெட் மைதானத்தில் நடைபெறவுள்ளது. இதற்காக இரு அணி வீரர்களும் தீவிரமாக தயாராகி வருகின்றனர். இந்நிலையில் இப்போட்டிக்கான இந்திய அணியின் பிளேயிங் லெவன் எவ்வாறு இருக்கும் என்பது குறித்து இந்த பதிவில் பார்ப்போம்.
Trending
இதில், கடந்த 2023 ஒருநாள் உலகக் கோப்பை இறுதிப் போட்டிக்குப் பிறகு காயம் காரணமாக சர்வதேச கிரிக்கெட்டில் இருந்து விலகி இருந்த இந்திய அணியின் நட்சத்திர வேகப்பந்து வீச்சாளர் முகமது ஷமி, இந்தப் போட்டியின் மூலம் சர்வதேச கிரிக்கெட்டுக்கு மீண்டும் வர முடியும். இந்த முதல் டி20 போட்டியில், அபிஷேக் சர்மாவும், விக்கெட் கீப்பர் பேட்ஸ்மேன் சஞ்சு சாம்சனும் இந்திய அணியின் தொடக்க வீரர்களாக களமிறங்குவார்கள்.
இதன் பிறகு, திலக் வர்மாவும், கேப்டன் சூர்யகுமார் யாதவும் 3ஆவது மற்றும் 4ஆவது இடங்களில் பேட்டிங் செய்வார்கள். மிடில் ஆர்டரைப் பொறுத்தவரையில் ஹர்திக் பாண்டியா, ரிங்கு சிங் மற்றும் அனுபவம் வாய்ந்த ஸ்பின் ஆல்ரவுண்டர் அக்சர் படேல் ஆகியோர் விளையாடுவதைக் காணலாம். இந்திய அணியின் பந்துவீச்சு பற்றி நாம் பேசினால், சுழற்பந்து வீச்சாளர்களாக ரவி பிஷ்னோய் மற்றும் வருண் சக்ரவர்த்தி வழிநடத்துவார்கள் என்று எதிர்பார்க்கப்படுகிறது,
அவர்களுடன் ஆல்ரவுண்டர் அக்ஸர் படேலும் துணையாக இருப்பார். மறுபுறம், வேகப்பந்து வீச்சாளர் முகமது ஷமி மற்றும் இளம் இடது கை வேகப்பந்து வீச்சாளர் அர்ஷ்தீப் சிங் ஆகியோரால் வேகப்பந்து வீச்சு பலப்படுத்தப்படும். இந்திய அணியின் மூன்றாவது வேகப்பந்து வீச்சாளராக ஹார்டிக் பாண்டியா இருப்பார் என்று எதிர்பார்க்கப்படுகிறது. மேலும் அவரால் புதிய மற்றும் பழைய பந்துகளில் திறம்பட செயல்பட முடியும் என்பது அணிக்கு கூடுதல் சாதகத்தை வழக்கும்.
இந்திய அணியின் உத்தேச லெவன்: அபிஷேக் சர்மா, சஞ்சு சாம்சன் (விக்கெட் கீப்பர்), திலக் வர்மா, சூர்யகுமார் யாதவ் (கேப்டன்), ஹார்டிக் பாண்ட்யா, ரிங்கு சிங், அக்சர் படேல், அர்ஷ்தீப் சிங், ரவி பிஷ்னோய், வருண் சக்ரவர்த்தி, முகமது ஷமி.
Also Read: Funding To Save Test Cricket
இங்கிலாந்துக்கு எதிரான டி20 தொடருக்கான இந்திய அணியின் முழு அணி: அபிஷேக் சர்மா, நிதிஷ் குமார் ரெட்டி, சஞ்சு சாம்சன் (விக்கெட் கீப்பர்), திலக் வர்மா, வாஷிங்டன் சுந்தர், சூர்யகுமார் யாதவ் (கேப்டன்), ஹர்திக் பாண்டியா, துருவ் ஜூரெல் (விக்கெட் கீப்பர்), ரிங்கு சிங், அக்சர் படேல், அர்ஷ்தீப் சிங், ரவி பிஷ்னோய், ஹர்ஷித் ராணா, வருண் சக்ரவர்த்தி, முகமது ஷமி.
Win Big, Make Your Cricket Tales Now
