ஐபிஎல் 2021: பயிற்சியை ஆரம்பித்த டெல்லி கேப்பிட்டல்ஸ்!

அமீரகத்தில் தனிமைப்படுத்துதலை முடித்துள்ள டெல்லி கேப்பிட்டல்ஸ் அணி வீரர்கள் மீண்டும் பயிற்சியை தொடங்கிவுள்ளனர்.

கரோனா தொற்றால் பாதியிலேயே ஒத்திவைக்கப்பட்ட ஐபிஎல் தொடரின் இரண்டாம் பகுதி, செப்டம்பர் 19ஆம் தேதி முதல் ஐக்கிய அரபு அமீரகத்தில் மீண்டும் தொடங்கவுள்ளது. இத்தொடருக்கான அட்டவணையையும் பிசிசிஐ அறிவித்தது. 

இந்நிலையில் இத்தொடருக்காக அனைத்து ஐபிஎல் அணிகளும் தற்போது தீவிரமாக தயாராகி வருகின்றனர். அந்த வகையில் நடப்பு ஐபிஎல் சீசனின் புள்ளிப்பட்டியலில் முதலிடத்திலிருக்கும் டெல்லி கேப்பிட்டல்ஸ் அணியும் கடந்த வாரம் அமீரகம் சென்று தனிமைப்படுத்துதலில் ஈடுபட்டிருந்தது. 

தற்போது தனிமைப்படுத்துதல் காலத்தை முடித்துள்ள டெல்லி அணி வீரர்கள், தங்கள் பயிற்சிக்கு திரும்பியுள்ளனர். அதன்படி ஸ்ரேயாஸ் ஐயர், அமித் மிஸ்ரா ஆகியோர் உடற்பயிற்சியில் ஈடுபட்டிருக்கும் புகைப்படங்களை டெல்லி கேப்பிட்டல்ஸ் அணி ட்விட்டர் பக்கத்தி வெளியிட்டுள்ளது. 

 

[2/2] | Snapshots of DC stars hustling in their st gym session together after quarantine#YehHaiNayiDilli #IPL2021 @SofitelDXBPalm pic.twitter.com/ffxpIaIgma

— Delhi Capitals (@DelhiCapitals) August 28, 2021

மேலும் காயம் காரணமாக முதல் பாதியில் பங்கேற்காமல் இருந்த அந்த அணியின் கேப்டன் ஸ்ரேயாஸ் ஐயர், தற்போது மீண்டும் அணியில் இணைந்துள்ளதால் நடப்பு சீசனில் டெல்லி அணியை யார் வழிநடத்துவார் என்ற கேள்வி ரசிகர்கள் மத்தியில் பெரும் எதிர்பார்ப்புகளை ஏற்படுத்தி வருகிறது.

Win Big, Make Your Cricket Tales Now