ஐபிஎல் 2025: குஜராத் டைட்டன்ஸ் அணியின் துணை பயிற்சியாளராக மேத்யூ வேட் நியமனம்!

எதிர்வரும் ஐபிஎல் தொடரில் குஜராத் ஜெயண்ட்ஸ் அணியின் துணைப் பயிற்சியாளராக ஆஸ்திரேலிய அணியின் முன்னாள் வீரர் மேத்யூ வேட் நியமிக்கப்பட்டுள்ளார்.

ஐபிஎல் 2025: குஜராத் டைட்டன்ஸ் அணியின் துணை பயிற்சியாளராக மேத்யூ வேட் நியமனம்! (Image Source: Google)

இந்தியாவில் தொடங்கி நடைபெற்று வரும் ஐபிஎல் தொடரின் 18ஆவது சீசனுக்கான அதிகாரபூர்வ அட்டவணை நேற்று (பிப்ரவரி 16) வெளியிடப்பட்டது. அந்த வகையில் இந்த ஆண்டு ஐபிஎல் தொடர் வருகிற மார்ச் 22 ஆம் தேதி முதல் தொடங்குகிறது. லீக் போட்டிகள் மார்ச் 22 ஆம் தேதி தொடங்கி மே 18 ஆம் தேதி வரை நடைபெறவுள்ளது.

இத்தொடரின் பிளே ஆஃப் போட்டிகள் மே 20 ஆம் தேதி முதல் தொடங்கும் நிலையில் தொடரின் இறுதிப்போட்டி மே 25 ஆம் தேதி  கொல்கத்தாவில் நடைபெறவுள்ளது. நடப்பு ஐபிஎல் தொடரின் முதல் போட்டியில் நடப்பு சாம்பியனான கொல்கத்தா நைட் ரைடர்ஸ் அணி ராயல் சேலஞ்சர்ஸ் பெங்களூருவை எதிர்த்து விளையாடுகிறது. இந்தப் போட்டி கொல்கத்தாவின் ஈடன் கார்டன்ஸ் மைதானத்தில் நடைபெறுகிறது.

அதேசமயம் ஷுப்மன் கில் தலைமையிலான குஜராத் ஜெயண்ட்ஸ் அணி தங்களுடய முதல் லீக் போட்டியில் ஸ்ரேயாஸ் ஐயர் தலைமையிலான பஞ்சாப் கிங்ஸ் அணியை எதிர்த்து விளையாடவுள்ளது. இவ்விரு அணிகளுக்கும் இடையேயான இப்போட்டியானது மார்ச் 25ஆம் தேதி அஹ்மதாபாத்தில் உள்ள நரேந்திர மோடி கிரிக்கெட் மைதானத்தில் நடைபெறவுள்ளதால், ரசிகர்களுடைய எதிர்பார்ப்பும் அதிகரித்துள்ளன. 

இந்நிலையில் எதிர்வரும் ஐபிஎல் தொடருக்கு முன்னதாக குஜராத் ஜெயண்ட்ஸ் அணியின் உதவி பயிற்சியாளராக முன்னாள் ஆஸ்திரேலிய அணியின் விக்கெட் கீப்பர் பெட்டர் மேத்யூ வேட் நியமிக்கப்பட்டுள்ளார். முன்னதாக கடந்த 2022ஆம் ஆண்டு முதல் ஐபிஎல் தோடரில் குஜராத் டைட்டன்ஸ் அணிக்காக மேத்யூ வேட் விளையாடியுள்ளார். அதில் அவர் 15 போட்டிகளில் விளையாடி 183 ரன்களை மட்டுமே எடுத்துள்ளார். 

இதனையடுத்து கடந்தாண்டு சர்வதேச கிரிக்கெட்டில் இருந்து ஓய்வை அறிவித்த மேத்யூ வேட் ஆஸ்திரேலிய அணியின் உதவி பயிற்சியாளராகவும் செயல்பட்டார். இந்நிலையில் தான் அவர் எதிர்வரும் ஐபிஎல் தொடருக்கு முன்னதாக குஜராத் அணியின் பயிற்சியாளர் குழுவிலும் இணைந்துள்ளார். இதன்மூலம் அவர் அந்த அணியின் தலைமைப் பயிற்சியாளர் ஆஷிஷ் நெஹ்ரா மற்றும் பேட்டிங் பயிற்சியாளர் பார்த்திவ் படேலுடன் இணைந்து செயல்படவுள்ளார் என்பது குறிப்பிடத்தக்கது. 

குஜராத் டைட்டன்ஸ்: ஷுப்மன் கில் (கேப்ட்ன்), ஜோஸ் பட்லர், சாய் சுதர்ஷன், ஷாருக் கான், ககிசோ ரபாடா, முகமது சிராஜ், பிரசித் கிருஷ்ணா, ராகுல் திவேத்தியா, ரஷித் கான், நிஷாந்த் சிந்து, மஹிபால் லோம்ரோர், குமார் குஷாக்ரா, அனுஜ் ராவத், மானவ் சுதர், வாஷிங்டன் சுந்தர், ஜெரால்ட் கோட்ஸி, முகமது அர்ஷத் கான், குர்னூர் சிங் ப்ரார், ஷெர்பேன் ரூதர்ஃபோர்ட், சாய் கிஷோர், இஷாந்த் சர்மா, ஜெயந்த் யாதவ், கிளென் பிலிப்ஸ், கரீம் ஜனத், குல்வந்த்யா கே.