ஐபிஎல் 2025: உம்ரான் மாலிக் விலகல்; சேத்தன் சகாரியாவை ஒப்பந்தம் செய்தது கேகேஆர்!
எதிர்வரும் ஐபிஎல் தொடரில் இருந்து உம்ரான் மாலிக் விலகியதை அடுத்து அவருக்கு பதிலாக சேத்தன் சகாரியாவை கொல்கத்தா நைட் ரைடர்ஸ் அணி ஒப்பந்தம் செய்துள்ளது.
ஐபிஎல் 2025: உம்ரான் மாலிக் விலகல்; சேத்தன் சகாரியாவை ஒப்பந்தம் செய்தது கேகேஆர்! (Image Source: Google)
அதன்படி அந்த அணியின் அதிவேகப்பந்து வீச்சாளர் உம்ரான் மாலிக் காயம் காரணமாக நடப்பு ஐபிஎல் தொடரில் இருந்து விலகியுள்ளார். நடந்து முடிந்த ஐபிஎல் வீரர்கள் ஏலத்தில் உம்ரான் மாலிக்கை அவரது அடிப்படை தொகையான ரூ.75 லட்சத்திற்கு கொல்கத்தா நைட் ரைடர்ஸ் அணி ஒப்பந்தம் செய்திருந்தது. முன்னதாக அவர் 2021ஆம் ஆண்டு முதல் சன்ரைசர்ஸ் ஹைதராபாத் அணியின் ஒரு அங்கமாக செயல்பட்டு வந்தார்.
தனது அதிவேகப்பந்துவீச்சின் மூலம் ரசிகர்களின் கவனத்தை ஈர்த்த உம்ரான் மாலிக் இதுவரை ஐபிஎல் தொடரில் 26 போட்டிகளில் விளையாடி 29 விக்கெட்டுகளை வீழ்த்தியுள்ளார். இதுதவிர்த்து அவர் மணிக்கு 150+ கிமீ வேகத்தில் பந்துவீசி எதிரணி பேட்டர்களை நிலைகுழைய செய்ததன் காரணமாக இந்திய அணிக்கு அறிமுகமாகும் வாய்ப்பும் அவருக்கு கிடைத்தது. அதன்படி அவர் இந்திய அணிக்காக சர்வதேச ஒருநாள் மற்றும் டி20 போட்டிகளில் விளையாடினார்.
இதில் இந்திய அணிக்காக 10 ஒருநாள் போட்டிகளில் விளையாடி 13 விக்கெட்டுகளையும், 8 டி20 போட்டிகளில் விளையாடி 11 விக்கெட்டுகளையும் வீழ்த்தினார். அதன்பின் காயம் காரணமாக இந்தீய அணியில் இருந்து ஓரங்கட்டப்பட்ட உம்ரான் மாலிக், இந்த ஐபிஎல் தொடரின் மூலம் கம்பேக் கொடுப்பார் என்று எதிர்பார்க்கப்பட்டது. இந்நிலையில் தான் காயம் காரணமாக அவர் இத்தொடரில் இருந்தும் விலகியுள்ளது ரசிகர்களை ஏமாற்றத்தில் ஆழ்த்தியுள்ளது.
இந்நிலையில் தொடரில் இருந்து விலகிய உம்ரான் மாலிக்கிற்கு பதிலாக இடதுகை வேகப்பந்து வீச்சாளர் சேத்தன் சக்காரிவை கொல்கத்தா நைட் ரைடர்ஸ் அணி ரூ.75 லட்சத்திற்கு ஒப்பந்தம் செய்துள்ளது. இதுவரை ஐபிஎல் தொடரில் 19 போட்டிகளில் விளையாடி 20 விக்கெட்டுகளை வீழ்த்தியுள்ளார். மேற்கொண்டு இந்திய அணிக்காக ஒரு ஒருநாள் மற்றும் 2 டி20 போட்டிகளிலும் சகாரியா விளையாடிவுள்ளது குறிப்பிடத்தக்கது. Also Read: Funding To Save Test Cricketகொல்கத்தா நைட் ரைடர்ஸ்: அஜிங்கியா ரஹானே (கேப்டன்), வெங்கடேஷ் ஐயர் (துணைக்கேப்டன்),ரிங்கு சிங், வருண் சக்கரவர்த்தி, சுனில் நரைன், ஆண்ட்ரே ரஸ்ஸல், ஹர்ஷித் ராணா, ரமன்தீப் சிங், குயின்டன் டி காக், ரஹ்மானுல்லா குர்பாஸ், அன்ரிச் நோர்ட்ஜே, ஆங்க்ரிஷ் ரகுவன்ஷி வைபவ் அரோரா, மயங்க் மார்கண்டே, ஸ்பிர்மன் பாண்டே பவல், ஸ்பிர்மன் பான்டே பவல் , அனுகுல் ராய், மொயின் அலி, சேத்தன் சகாரியா.*KKR sign Chetan Sakariya as replacement for Umran Malik! pic.twitter.com/ehdYM6d1Nk
— CRICKETNMORE (@cricketnmore) March 16, 2025
Advertisement
Win Big, Make Your Cricket Tales Now
கிரிக்கெட்: Tamil Cricket News
