லக்னோ சூப்பர் ஜெயண்ட்ஸுடன் இணைந்த கேஎல் ராகுல்!
ஐபிஎல் தொடரின் 17ஆவது சீசன் நாளை தொடங்கவுள்ள நிலையில் லக்னோ சூப்பர் ஜெயண்ட்ஸ் அணியின் கேப்டன் கேஎல் ராகுல் தனது அணியுடன் இணைந்துள்ளார்.
ஐபிஎல் தொடரின் 17ஆவது சீசன் நாளை சென்னை சேப்பாக்கத்தில் கோலாகலமாக தொடங்குகிறது. மொத்தம் 10 அணிகள் பங்கேற்கும் இத்தொடரில் எந்த அணி சாம்பியன் பட்டத்தை வென்று சாதிக்கும் என்ற எதிர்பார்ப்பும், ஆவலும் ரசிகர்கள் மத்தியில் நாளுக்கு நாள் அதிகரித்து வருகிறது. இதன் காரணமாக அனைத்து அணிகளும் தீவிர பயிற்சியில் ஈடுபட்டு வருகின்றனர்.
அந்த வரிசையில் ஐபிஎல் தொடரில் இதுவரை இரண்டு சீசன்களில் மட்டுமே விளையாடி இருந்தாலும் இருமுறையும் குவாலிஃபையர் சுற்றுக்கு முன்னேறிய லக்னோ சூப்பர் ஜெயண்ட்ஸ் அணி, இரண்டு முறையும் எலிமினேட்டர் சுற்று ஆட்டத்திலேயே வெளியேறியது. இந்நிலையில் நடப்பு ஐபிஎல் தொடரில் சிறப்பாக செயல்பட்டு ஐபிஎல் கோப்பையை வெல்ல வேண்டும் என்ற முனைப்பில் லக்னோ அணி இத்தொடரை எதிர்கொள்ளவுள்ளது.
Trending
கடந்தாண்டு காயம் காரணமாக ஐபிஎல் தொடரிலிருந்து பாதியிலேயே வெளியேறிய கேஎல் ராகுல் நடப்பு ஐபிஎல் சீசனில் விளையாடுவதுடன் அணியின் கேப்டனாகவும் செயல்படவுள்ளார். ஆனால் சமீபத்தில் நடைபெற்ற இங்கிலாந்து தொடரின் போது காயத்தை சந்தித்த தொடரிலிருந்து விலகினார். அதன்பின், லண்டன் சென்று சிகிச்சை மேற்கொண்டு நாடு திரும்பிய அவர், என்சிஏவில் பயிற்சி மேற்கொண்டு ஐபிஎல் தொடரில் விளையாடும் உடற்தகுதியை ஏட்டியுள்ளார்.
Gooood morning from a new era! pic.twitter.com/edZreYWOCJ
— Lucknow Super Giants (@LucknowIPL) March 21, 2024
இதனால் நடப்பு ஐபிஎல் சீசனில் கேஎல் ராகுல் மீதான எதிர்பார்ப்புகள் அதிகரித்துள்ளது. இந்நிலையில் இன்றைய தினம் கேஎல் ராகுல் லக்னோ சூப்பர் ஜெயண்ட்ஸ் அணியின் பயிற்சி முகாமில் இணைந்துள்ளார். அதன்படி கேஎல் ராகுல் மற்றும் பயிற்சியாளர் ஜஸ்டின் லங்கருட் இருக்கும் புகைப்படத்தை லக்னோ சூப்பர் ஜெயண்ட்ஸ் அணி தங்களது சமூக வலைதள பக்கத்தில் பதிவுசெய்துள்ளது.
Win Big, Make Your Cricket Tales Now
