SL vs AUS: ஆஸ்திரேலிய ஒருநாள் அணியில் ஜேக் ஃபிரேசர் மெக்குர்க், ஸ்பென்ஸர் ஜான்சன் சேர்ப்பு!
இலங்கை அணிக்கு எதிரான ஒருநாள் தொடரில் விளையாடும் ஆஸ்திரேலிய அணியில் பென் துவார்ஷுயிஸ், ஜேக் ஃபிரேசர்-மெக்குர்க், மற்றும் ஸ்பென்சர் ஜான்சன் ஆகியோர் சேர்க்கப்பட்டுள்ளதாக தகவல் வெளியாகியுள்ளது.
ஆஸ்திரேலியா அணி தற்சமயம் இலங்கையில் சுற்றுப்பயணம் மேற்கொண்டு 2 போட்டிகளைக் கொண்ட டெஸ்ட் மற்றும் ஒருநாள் தொடரில் விளையாடி வருகிறது. இதில் டெஸ்ட் தொடரின் இரண்டாவது போட்டி இன்று தொடங்கி நடைபெற்று வரும் நிலையில், இரு அணிகளுக்கும் இடையேயான ஒருநாள் தொடரானது பிப்ரவரி 12ஆம் தேதி முதல் நடைபெறவுள்ளது. அதன்பின் ஆஸ்திரேலிய அணி பாகிஸ்தானில் நடைபெறும் சாம்பியன்ஸ் கோப்பை தொடரில் விளையாடவுள்ளது.
இந்நிலையில் இத்தொடருக்கு முன்னதாக அந்த அணி பெரும் பின்னடைவை சந்தித்துள்ளது. அதன்படி காயம் காரணமாக அந்த அணியின் கேப்டன் பாட் கம்மின்ஸ் மற்றும் நட்சத்திர வீரர்கள் ஜோஷ் ஹேசில்வுட், மிட்செல் மார்ஷ் ஆகியோர் சாம்பியன்ஸ் கோப்பை தொடரில் இருந்து விலகியுள்ளனர். அவர்களுடன் மார்கஸ் ஸ்டொய்னிஸ் சர்வதேச ஒருநாள் போட்டிகளில் இருந்து ஓய்வை அறித்ததன் காரணமாக இத்தொடரில் அவர் விளையாட மாட்டார் என்று அறிவிக்கப்பட்டது.
Trending
இதனால் இத்தொடரில் கோப்பையை வெல்லும் அணிகளில் ஒன்றாக பார்க்கப்பட்ட ஆஸ்திரேலிய அணியானது பெரும் சறுக்கலை சந்தித்துள்ளது. இந்நிலையில் இலங்கை அணிக்கு எதிரான ஒருநாள் தொடரில் இவர்களுக்கான மாற்று வீரர்களாக பென் டுவார்ஷுயிஸ், ஜேக் ஃபிரேசர்-மெக்குர்க், மற்றும் ஸ்பென்சர் ஜான்சன் ஆகியோர் ஆஸ்திரேலிய அணியில் சேர்க்கப்பட்டுள்ளதாக தகவல் வெளியாகியுள்ளது.
இவர்களுடன் டெஸ்ட் அணியில் விளையாடி வரும் சீன் அபோட், கூப்பர் கன்னொலி ஆகியோருடன் இளம் வீரர் தன்வீர் சங்காவிற்கும் இந்த அணியில் வாய்ப்பு வழங்கப்படலாம் என்று கூறப்படுகிறது. அதேசமயம் ஒருநாள் அணியின் கேப்டனாக ஸ்டீவ் ஸ்மித் அல்லது டிராவிஸ் ஹெட் நியமிக்கப்படலாம் என்றும் கூறப்படுகிறது. இதுகுறித்த அதிகாரப்பூர் அறிவிப்புகள் கூடிய விரைவில் வெளியாகும் என்பது குறிப்பிடத்தக்கது.
Also Read: Funding To Save Test Cricket
சாம்பியன்ஸ் கோப்பை தொடருக்கான ஆஸ்திரேலிய அணி: பேட் கம்மின்ஸ் (கேப்டன்)*, அலெக்ஸ் கேரி, நாதன் எல்லிஸ், ஆரோன் ஹார்டி, ஜோஷ் ஹேசில்வுட்*, டிராவிஸ் ஹெட், ஜோஷ் இங்கிலிஸ், மார்னஸ் லாபுஷாக்னே, மிட்செல் மார்ஷ்*, கிளென் மேக்ஸ்வெல், மேட் ஷார்ட், ஸ்டீவ் ஸ்மித், மிட்செல் ஸ்டார்க், மார்கஸ் ஸ்டோய்னிஸ்*, ஆடம் ஜாம்பா. (*தொடரிலிருந்து விலகிய வீரர்கள்)
Win Big, Make Your Cricket Tales Now
