அடுத்தடுத்து சிக்ஸர்களை பறக்கவிட்ட ஜேமி ஸ்மித்; வைரல் காணொளி!

மான்செஸ்டர் ஒரிஜினல்ஸ் அணிக்கு எதிரான தி ஹண்ட்ரட் லீக் போட்டியில் பர்மிங்ஹாம் ஃபீனிக்ஸ் அணி வீரர் ஜேமி ஸ்மித் அடுத்தடுத்து இரண்டு சிக்ஸர்களை விளாசிய காணொளி வைரலாகி வருகிறது.

அடுத்தடுத்து சிக்ஸர்களை பறக்கவிட்ட ஜேமி ஸ்மித்; வைரல் காணொளி! (Image Source: Google)

தி ஹண்ட்ரட் கிரிக்கெட் தொடரில் நேற்று நடைபெற்ற கடைசி லீக் போட்டியில் பர்மிங்ஹாம் ஃபீனிங்ஸ் மற்றும் மான்செஸ்டர் ஒரிஜினல்ஸ் அணிகள் பலப்பரீட்சை நடத்தின. பர்மிங்ஹாமில் நடைபெற்ற இப்போட்டியாது தொடங்குவதற்கு முன்னரே மழை பெய்த காரணத்தால் ஆட்டம் தொடங்குவதில் தாமதம் ஏற்பட்டது. அதன்பின் இப்போட்டியானது 30 பந்துகளைக் கொண்ட போட்டியாக நடைபெறும் என அறிவிக்கப்பட்டது. 

இதனையடுத்து களமிறங்கிய மான்செஸ்டர் ஒரிஜினல்ஸ் அணியில் மேத்யூஸ் ஹர்ஸ்ட் முதல் பந்திலேயே விக்கெட்டை இழந்து பெவிலியன் திரும்பினார். பின்னர் இணைந்த பில் சால்ட் - மேக்ஸ் ஹோல்டன் இணை ஓரளவு தாக்குப்பிடித்து அணியின் ஸ்கோரை உயர்த்தினர். இதில் பில் சால்ட் 12 ரன்கள்லும், மேக்ஸ் ஹோல்டன் 15 ரன்களிலும் என அடுத்தடுத்து விக்கெட்டுகளை இழந்து பெவிலியன் திரும்பினர்.

பின்னர் களமிறங்கிய வீரர்களும் வந்த வேகத்திலேயே நடையைக் கட்டியதால், 30 பந்துகள் முடிவில் மான்செஸ்டர் ஒரிஜினல்ஸ் அணி 5 விக்கெட்டுகள் இழப்பிற்கு 41 ரன்களைச் சேர்த்தது. பர்மிங்ஹாம் ஃபினிக்ஸ் தரப்பில் ஆடம் மில்னே 2 விக்கெட்டுகளையும், டிம் சௌதீ, சீன் அபோட், கிறிஸ் வுட் ஆகியோர் தலா 1 விக்கெட்டை கைப்பற்றினர். இதனையடுத்து இலக்கை நோக்கி விளையாடிய பர்மிங்ஹாம் அணிக்கு ஜேமிஸ் ஸ்மித் - பென் டக்கெட் அதிரடியான தொடக்கத்தை கொடுத்தனர். 

 

Two sixes in two balls for Jamie Smith!#TheHundred | #RoadToTheEliminator pic.twitter.com/yMjWzpStF6

— The Hundred (@thehundred) August 15, 2024

இதில் ஜேமி ஸ்மித் 2 சிக்ஸர்களுடன் 14 ரன்களை எடுத்திருந்த நிலையில் விக்கெட்டை இழந்தார். அதேசமயம் இறுதிவரை ஆட்டமிழக்காமல் இருந்த பென் டக்கெட் 22 ரன்களையும், கேப்டன் மொயீன் அலி 6 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் பர்மிங்ஹாம் ஃபினிக்ஸ் அணி 22 பந்துகளில் இலக்கை எட்டியதுடன் 9 விக்கெட் வித்தியாசத்தில் மான்செஸ்டர் ஒரிஜினல்ஸ் அணியை வீழ்த்தி எலிமினேட்டர் சுற்றுக்கு முன்னேறியுள்ளது. 

இந்நிலையில் இப்போட்டியில் பர்மிங்ஹாம் ஃபீனிக்ஸ் அணியின் தொடக்க வீரர் ஜேமி ஸ்மித் அடுத்தடுத்து சிக்ஸர்களை பறக்கவிட்டு அசத்தினார். அதன்படி மான்செஸ்டர் ஒரிஜினல்ஸ் அணியின் வேகப்பந்து வீச்சாளர் ஃபசல்ஹக் பரூக்கி பந்துவீச்சில் ஜேமி ஸ்மித் அடுத்தடுத்த பந்துகளில் இரண்டு சிக்ஸர்களை விளாசினார். இந்நிலையில் ஜேமி ஸ்மித் அடுத்தடுத்து சிக்ஸர்கள் விளாசிய காணொளி வைரலாகி வருகிறது. 

Win Big, Make Your Cricket Tales Now