ஐபிஎல் 2025: மும்பை இந்தியன்ஸில் இணைந்த ஜஸ்பிரித் பும்ரா!

காயம் காரணமாக சிகிச்சை பெற்று வந்த ஜஸ்பிரித் பும்ரா, தற்போது காயத்தில் இருந்து மீண்டு மும்பை இந்தியன்ஸ் அணியுடன் இன்று இணைந்துள்ளார்.

ஐபிஎல் 2025: மும்பை இந்தியன்ஸில் இணைந்த ஜஸ்பிரித் பும்ரா! (Image Source: Google)

ஐபிஎல் தொடரின் 18ஆவது ரசிகர்களின் எதிர்பார்ப்புகளுக்கு பஞ்சமின்று விறுவிறுப்பாக நடைபெற்று வருகிறது. இதில் ஹர்திக் பாண்டியா தலைமையிலான மும்பை இந்தியன்ஸ் அணிக்கு நடப்பு ஐபிஎல் சீசனானது இதுவரை சிறப்பானதாக அமையவில்லை.

ஏனெனில் ஐந்து முறை சாம்பியன் பட்டத்தை வென்றுள்ள அந்த அணி தற்சமயம் அடுத்தடுத்து தோல்விகளைச் சந்தித்து ரசிகர்களை ஏமாற்றத்தில் ஆழ்த்தியுள்ளது. மேலும் அந்த அணியின் இந்த நிலைக்கு ஜஸ்பிரித் பும்ராவும் ஒரு காரணமாக பார்க்கப்படுகிறது. பும்ரா, கடந்த ஜனவரி மாதம் ஆஸ்திரேலியாவுக்கு எதிராக நடைபெற்ற கடைசி டெஸ்ட் போட்டியின் போது முதுகு பகுதியில் காயம் அடைந்தார். அதன் பின்னர் அவர், எந்தவிதமான கிரிக்கெட் போட்களிலும் பங்கேற்கவில்லை.

மேற்கொண்டு பெங்களூருவில் உள்ள தேசிய கிரிக்கெட் அகாடமியில் சிகிச்சை மேற்கொண்டு வந்த அவர், சமீபத்தில் பந்துவீச்சு பயிற்சியையும் மேற்கொண்டிருந்தார். ஆனாலும் அவர் முழு உடற்தகுதியை எட்டாத காரணத்தால் ஐபிஎல் தொடரில் பங்கேற்பதற்கான அனுமதியை பிசிசிஐ வழங்காமால் இருந்தது. இதனால் அவர் இத்தொடரின் முதல் சில போட்டிகளை தவறவிட்டார். இந்நிலையில் தான் பும்ராவுக்கு உடற்தகுதி சான்றிதழை பிசிசிஐ வழங்கி உள்ளதாக தகவல் வெளியானது. 

இந்நிலையில் இன்றைய தினம் ஜஸ்பிரித் பும்ரா மும்பை இந்தியன்ஸ் அணியில் இணைந்துள்ளார். இதனை மும்பை இந்தியன்ஸ் அணி நிர்வாகம் காணொளியாக தங்களின் சமூக வலைதள பக்கத்தில் பதிவேற்றியுள்ளது. இதன்மூலம் அடுத்தடுத்து தோல்விகளைச் சந்தித்துள்ள மும்பை இந்தியன்ஸ் அணி கூடுதல் வலிமையைப் பெற்றவுள்ளது. மேற்கொண்டு நீண்ட நாள்களுக்கு பிறகு பும்ரா கிரிக்கெட் களத்திற்கு திரும்பவுள்ளதால் அவர் மீதான எதிர்பார்ப்புகளும் அதிகரித்துள்ளன.

#MumbaiIndians #PlayLikeMumbai #TATAIPL pic.twitter.com/oXSPWg8MVa

— Mumbai Indians (@mipaltan) April 6, 2025

தற்போது மும்பை இந்தியன்ஸ் அணியில் பும்ரா இணைந்திருந்தாலும், ஆர்சிபி அணிக்கு எதிரான போட்டியில் அவர் விளையாட மாட்டார் என்று கூறப்படுகிறது. அதேசமயம் அவர் ஏப்ரல் 13ஆம் தேதி நடைபெற இருக்கும் டெல்லி கேப்பிட்டல்ஸுக்கு எதிரான போட்டியின் மூலம் கம்பேக் கொடுப்பார் என்றும் சில தகவல்கள் வெளியாகியுள்ளனர். எப்படி இருந்தாலும் பும்ரா ஐபிஎல் தொடரில் விளையாடவுள்ள செய்தி அவரது ரசிகர்களை மகிழ்ச்சியில் ஆழ்த்தியுள்ளது. 

மும்பை இந்தியன்ஸ்: ஹர்திக் பாண்டியா (கேப்டன்), ஜஸ்பிரித் பும்ரா, ரோஹித் சர்மா, திலக் வர்மா, டிரென்ட் போல்ட், நமன் திர், ராபின் மின்ஸ், கரன் சர்மா, ரியான் ரிக்கெல்டன், தீபக் சாஹர், முஜீப் உர் ரஹ்மான், வில் ஜாக்ஸ், அஷ்வனி குமார், மிட்செல் சான்ட்னர், ரீஸ் டாப்லி, ஸ்ரீஜித் கிருஷ்ணன், ராஜ் அங்கத் பாவா, வெங்கட் சத்யநாராயண ராஜு, பெவோன் ஜேக்கப்ஸ், அர்ஜுன் டெண்டுல்கர், லிசாத் வில்லியம்ஸ், விக்னேஷ் புத்தூர், சூர்யகுமார் யாதவ்.