ENG vs IND: ஜாம்பவான்கள் வரிசையில் இணைய காத்திருக்கும் ஜஸ்பிரித் பும்ரா

ENG vs IND: ஜாம்பவான்கள் வரிசையில் இணைய காத்திருக்கும் ஜஸ்பிரித் பும்ரா (Image Source: Google)

Jasprit Bumrah: இங்கிலாந்து அணிக்கு எதிரான முதல் டெஸ்ட் போட்டியில் ஜஸ்பிரித் பும்ரா 7 விக்கெட்டுகளை கைப்பற்றும் பட்சத்தில் சர்வதேச கிரிக்கெட்டில் தனது 450 விக்கெட்டுகளை பூர்த்தி செய்யவுள்ளார். 

ஷுப்மன் கில் தலைமையிலான இந்திய அணி தற்போது இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாடவுள்ளது. இதில் இரு அணிகளுக்கும் இடையேயான முதல் டெஸ்ட் போட்டி ஹெடிங்க்லேவில் உள்ள லீட்ஸ் கிரிக்கெட் மைதானத்தில் இன்று (ஜூன் 20)நடைபெறவுள்ளது. மேலும் உலக டெஸ் சாம்பியன்ஷிப் தொடரின் ஒரு அங்கமாக இப்போட்டி நடைபெறவுள்ளதால் இப்போட்டியின் மீது கூடுதல் எதிர்பார்ப்புகளும் உள்ளன.

இந்நிலையில் இங்கிலாந்துக்கு எதிரான முதல் போட்டியில் இந்திய வேகப்பந்து வீச்சாளர் ஜஸ்பிரித் பும்ரா சிறப்பு சாதனை படைக்கும் வாய்ப்பு பெற்றுள்ளார். அந்தவகையில் இப்போட்டியில் ஜஸ்பிரித் பும்ரா 7 விக்கெட்டுகளை கைப்பற்றும் பட்சத்தில் சர்வதேச கிரிக்கெட்டில் 450 விக்கெட்டுகளை பூர்த்தி செய்வார். இதனை அவர் பூர்த்தி செய்யும் பட்சத்தில் சர்வதேச கிரிக்கெட்டில் 450 விக்கெட்டுகளை வீழ்த்திய 9ஆவது இந்திய வீரர் எனும் பெருமையை அவர் பெறுவார். 

இதற்குமுன் அனில் கும்ப்ளே, ரவிச்சந்திரன் அஸ்வின், ஹர்பஜன் சிங், கபில் தேவ், ரவீந்திர ஜடேஜா, ஜாகீர் கான், ஜவகல் ஸ்ரீநாத் மற்றும் முகமது ஷமி ஆகியோர் மட்டுமே இந்த சாதனையை படைத்துள்ளனர் என்பது குறிபிடத்தக்கது. இந்திய அணிக்காக கடந்த 2016ஆம் ஆண்டு அறிமுகமான ஜஸ்பிரித் பும்ரா மூன்று வடிவங்களிலும் சேர்த்து 204 போட்டிகளில் 243 இன்னிங்ஸ்களில் 443 விக்கெட்டுகளை வீழ்த்தியுள்ளார் என்பது குறிப்பிடத்தக்கது. 

இங்கிலாந்துக்கு எதிராக ஜஸ்பிரித் பும்ராவின் ஃபார்ம் சிறப்பாக இருந்துள்ளது. அவர் இங்கிலாந்துக்கு எதிராக விளையாடிய 14 போட்டிகளில், அவர் 60 விக்கெட்டுகளை வீழ்த்தியுள்ளார். குறிப்பாக, இங்கிலாந்து மண்ணில் 9 டெஸ்ட் போட்டிகளில் விளையாடி 26.27 என்ற சராசரியில் 37 விக்கெட்டுகளை வீழ்த்தியுள்ளார். அதுமட்டுமில்லாமல் இங்கிலாந்து கேப்டன் பென் ஸ்டோக்ஸுக்கு எதிராகவும் பும்ரா அற்புதமான பந்துவீச்சை வெளிப்படுத்தியுள்ளார் என்பது குறிப்பிடத்தக்கது. 

இந்திய டெஸ்ட் அணி: ஷுப்மன் கில் (கேப்டன்), ரிஷப் பந்த் (துணைக்கேப்டன்), யஷஸ்வி ஜெய்ஸ்வால், கேஎல் ராகுல், சாய் சுதர்ஷன், அபிமன்யு ஈஸ்வரன், கருண் நாயர், நிதிஷ் குமார் ரெட்டி, ரவீந்திர ஜடேஜா, துருவ் ஜூரல், வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், பிரசித் கிருஷ்ணா, ஆகாஷ் தீப், அர்ஷ்தீப் சிங், குல்தீப் யாதவ், ஹர்ஷித் ரானா.