ஐசிசி டெஸ்ட் தரவரிசை: முதலிடத்திற்கு முன்னேறி ரூட் அசத்தல்!
ICC Test Rankings: ஐசிசி வெளியிட்டுள்ள புதிய டெஸ்ட் பேட்ஸ்மேன்களுக்கான தரவரிசை பட்டியலில் இங்கிலாந்து வீரர் ஜோ ரூட் முதலிடத்திற்கு முன்னேறி அசத்தியுள்ளார்.
டெஸ்ட் கிரிக்கெட்டிற்கான பேட்டிங் தரவரிசை பட்டியலில் இங்கிலாந்து வீரர் ஜோ ரூட், நம்பர். 1 இடத்தை பிடித்து அசத்தியுள்ளார். தற்போது நடைபெற்று வரும் நியூசிலாந்துக்கு எதிரான டெஸ்ட் தொடரில் 2 சதங்களை விளாசி அசத்தினார். மேலும் அலெக்ஸ்டர் குக்கிற்கு அடுத்ததாக 10,000 டெஸ்ட் ரன்களை கடந்த 2ஆவது இங்கிலாந்து வீரர் என்ற பெருமையும் பெற்றார்.
Trending
இதன் மூலம் ஜோ ரூட் 897 புள்ளிகளுடன் முதல் இடத்தை பிடித்தார். 2ஆவது இடத்தில் ஆஸ்திரேலிய வீரர் மார்கஸ் லபுசாக்னே 892 புள்ளிகளுடன் இருக்கிறார். இவர்களை தொடர்ந்து ஸ்டீவ் ஸ்மித், பாபர் அசாம், கேன் வில்லியம்சன் என இருக்கின்றனர். இந்திய வீரர் விராட் கோலி 10ஆவது இடத்தில் உள்ளார்.
டெஸ்ட் பந்துவீச்சை பொறுத்தவரையில் இந்திய வீரர் ரவிச்சந்திரன் அஸ்வின் தொடர்ந்து 2ஆவது இடத்தில் நீடித்து வருகிறார். ஜஸ்பிரித் பும்ரா ஒரு இடம் முன்னேற்றம் கண்டு 3ஆவது இடத்தை பிடித்துள்ளார். சாஹீன் அஃப்ரிடி, ரபாடா ஆகியோர் அடுத்தடுத்த இடங்களில் உள்ளனர்.
Win Big, Make Your Cricket Tales Now
