NZ vs AUS: டி20 தொடருக்கான ஆஸ்திரேலிய அணியில் ஸ்பென்சர் ஜான்சனுக்கு வாய்ப்பு!
காயம் காரணமாக நியூசிலாந்து தொடரிலிருந்து விலகிய மார்கஸ் ஸ்டொய்னிஸுக்கு மாற்று வீரராக வேகப்பந்து வீச்சாளர் ஸ்பென்சர் ஜான்சன் ஆஸ்திரேலிய அணியில் சேர்க்கப்பட்டுள்ளார்.
அதன்படி மிட்செல் மார்ஷ் தலைமையிலான இந்த அணியில், வெஸ்ட் இண்டீஸ் தொடரில் ஓய்வில் இருந்த ஸ்டீவ் ஸ்மித், மிட்செல் ஸ்டார்க், பாட் கம்மின்ஸ் மற்றும் டிராவிஸ் ஹெட் ஆகியோர் மீண்டும் அணிக்கு திரும்பியுள்ளனர். இவர்களுடன் மார்கஸ் ஸ்டொய்னிஸ், மேத்யூ வேட், கிளென் மேக்ஸ்வெல், டிம் டேவிட், டேவிட் வார்னர் போன்ற நட்சத்திர வீரர்களும் அணியில் இடம்பிடித்திருந்தனர்.
Trending
இந்நிலையில் காயம் காரணமாக ஆஸ்திரேலிய அணியின் ஆல் ரவுண்டர் மார்கஸ் ஸ்டொய்னிஸ் நியூசிலாந்து தொடரிலிருந்து விலகுவதாக அறிவித்துள்ளார். வெஸ்ட் இண்டீஸுக்கு எதிரான இரண்டாவது டி20 போட்டியின் போது அவருக்கு காயம் ஏற்பட்டது. இதன் காரணமாக அவர் மூன்றாவது டி20 போட்டியில் விளையாடமல் இருந்த நிலையில், தற்போது நியூசிலாந்து தொடரிலிருந்து விலகுவதாக அறிவித்துள்ளார்.
இதன் காரணமாக ஆஸ்திரேலிய டி20 அணியில் ஆரோன் ஹார்டி சேர்க்கப்பட்டுள்ளார். மேலும் தனிப்பட்ட காரணங்கள் காரணமாக அணியின் விக்கெட் கீப்பர் மேத்யூ வேட் நியூசிலாந்துக்கு எதிரான முதல் டி20 போட்டியிலிருந்து விலகியுள்ளதாகவும், எஞ்சியிருக்கும் போட்டிகளில் அவர் பங்கேற்பார் என்றும் ஆஸ்திரேலிய கிரிக்கெட் வாரியம் அறிவித்துள்ளது.
இந்நிலையில் ஆஸ்திரேலிய அணியில் இடம்பிடித்த ஆரோன் ஹார்டி உள்ளூர் தொடரில் விளையாடி வந்த நிலையில் அவரும் காயத்தைச் சந்தித்துள்ளார் என்று கூறப்படுகிறது. இதன் காரணமாக நியூசிலாந்து அணிக்கெதிரான டி20 தொடரில் விளையாடும் ஆஸ்திரேலிய அணியில் வேகப்பந்து வீச்சாளர் ஸ்பென்சர் ஜான்சன் சேர்க்கப்பட்டுள்ளார். மேலும் இவர் தொடரிலிருந்து விலகிய மார்கஸ் ஸ்டொய்னிஸுக்கு பதிலாக அணியில் சேர்க்கப்பட்டுள்ளாக தெரிவிக்கப்பட்டுள்ளது.
ஆஸ்திரேலியா அணி: மிட்செல் மார்ஷ் (கே), பாட் கம்மின்ஸ், டிம் டேவிட், நாதன் எல்லிஸ், ஜோஷ் ஹசில்வுட், டிராவிஸ் ஹெட், ஜோஷ் இங்கிலிஸ், கிளென் மேக்ஸ்வெல், மேத்யூ ஷார்ட், ஸ்டீவ் ஸ்மித், மிட்செல் ஸ்டார்க், ஆரோன் ஹார்டி, மேத்யூ வேட், டேவிட் வார்னர், ஆடம் ஸாம்பா, ஸ்பென்சர் ஜான்சன்.
Win Big, Make Your Cricket Tales Now
