டி20 கிரிக்கெட்டில் புதிய மைல் கல்லை எட்டிய கேஎல் ராகுல்!

சர்வதேச டி20 கிரிக்கெட்டில் அதிவேகமாக இரண்டாயிரம் ரன்களை கடந்த மூன்றாவது வீரர் எனும் சாதனையை இந்தியாவின் கேஎல் ராகுல் படைத்துள்ளார்.

KL Rahul Becomes Third-Fastest Batter To Reach 2000 Runs In T20Is With A Fifty Against Australia (Image Source: Google)

இந்தியா- ஆஸ்திரேலியா அணிகள் மோதிய முதல் டி20 போட்டி மொஹாலியில் நேற்று நடந்தது. இதில் டாஸ் வென்ற ஆஸ்திரேலியா அணி பந்து வீச்சை தேர்வு செய்தது. அதன்படி இந்திய அணி முதலில் பேட்டிங் செய்தது. அதிரடி ஆட்டத்தை வெளிப்படுத்திய இந்திய அணி 20 ஓவர்களின் முடிவில் 6 விக்கெட்டுகளை இழந்து 208 ரன்களை குவித்தது.

அதிகபட்சமாக ஹார்திக் பாண்டியா ஆட்டமிழக்காமல் 71 ரன்களை குவித்தார். அவரை தவிர்த்து கே.எல் ராகுல் 55 ரன்களையும், சூர்யகுமார் யாதவ் 46 ரன்களையும் குவித்தனர். பின்னர் 209 ரன்கள் அடித்தால் வெற்றி என்ற இலக்குடன் தற்போது ஆஸ்திரேலியா அணியானது விளையாடியது.

19.2 ஒவரில் 6 விக்கெட்டுகளை இழந்து 211 ரன்கள் எடுத்து ஆஸ்திரேலியா அணி 4 விக்கெட் வித்தியாசத்தில் வெற்றி பெற்றது. 3 போட்டிகள் கொண்ட தொடரில் ஆஸ்திரேலியா அணி 1-0 என்ற கணக்கில் முன்னிலை வகிக்கிறது.

இந்த போட்டியில் இந்திய அணியில் தொடக்க வீரராக விளையாடிய கேஎல் ராகுல் சர்வதேச டி20 கிரிக்கெட்டில் புதிய உலக சாதனை ஒன்றினை நிகழ்த்தியுள்ளார். அவர் 35 பந்துகளில் மூன்று சிக்சர் மற்றும் நான்கு பவுண்டரி என 55 ரன்கள் குவித்து ஆட்டம் இழந்தார்.

இதன் மூலம் டி20 கிரிக்கெட்டில் 2000 ரன்களை அவர் கடந்தார். இதுவரை டி20 கிரிக்கெட்டில் அதிவேகமாக 2000 ரன்களை கடந்த வீரராக பாபர் அசாம் முதலிடத்தில் இருக்கிறார். அவர் 52 இன்னிங்ஸ்களில் 2000 ரன்களை அடித்தார்.

அதனைத்தொடர்ந்து விராட் கோலி 56 இன்னிங்ஸ்களில் 2000 ரன்களை கடந்து இரண்டாவது இடத்திலும், அதனை தொடர்ந்து தற்போது கேஎல் ராகுல் 58 இன்னிங்ஸ்களுடன் 2000 ரன்களை கடந்து மூன்றாவது இடத்தைப் பிடித்து அசத்தியுள்ளார்.

Win Big, Make Your Cricket Tales Now