சிம்மன்ஸின் ஆல்டைம் டி20 அணியின் கேப்டனாக மகேந்திர சிங் தோனி!
வெஸ்ட் இண்டீஸின் அதிரடி டாப் ஆர்டர் பேட்ஸ்மேன் லெண்டல் சிம்மன்ஸ், டி20 கிரிக்கெட்டின் ஆல்டைம் சிறந்த லெவனை தேர்வு செய்துள்ளார்.
அவது டி20 கிரிக்கெட்டின் ஆல்டைம் சிறந்த அணியின் தொடக்க வீரர்களாக யுனிவர்ஸ் பாஸ் கிறிஸ் கெய்ல் மற்றும் ரோஹித் சர்மா ஆகிய இருவரையும் தேர்வு செய்துள்ளார்.கிறிஸ் கெய்ல் சர்வதேச டி20 போட்டிகளில் மட்டுமல்லாது, ஐபிஎல், கரீபியன் பிரீமியர் லீக், கனடா பிரீமியர் லீக் என உலகின் பல்வேறு டி20 லீக் தொடர்களிலும் ஆடி 1000 சிக்ஸர்களுக்கு மேல் விளாசியுள்ளார்.
Trending
ரோஹித் சர்மா சர்வதேச டி20 கிரிக்கெட்டில் 3000க்கும் அதிகமான ரன்களை குவித்து, அதிக ரன்களை குவித்த வீரர்கள் பட்டியலில் 3ஆம் இடத்தில் உள்ளார். சர்வதேச டி20 கிரிக்கெட்டில் 4 சதங்கள் விளாசியுள்ள ரோஹித் சர்மா, ஐபிஎல்லில் 5 முறை மும்பை இந்தியன்ஸ் அணிக்கு கோப்பையை வென்று கொடுத்தவர்.
அதேசமயம் 3ஆம் வரிசையில் விராட் கோலியையும், 4ஆம் வரிசையில் தென்னாப்பிரிக்க அதிரடி மன்னன் டி வில்லியர்ஸையும், 5ஆம் வரிசையில் வெஸ்ட் இண்டீஸ் ஆல்ரவுண்டர் கீரன் பொல்லார்டையும் தேர்வு செய்துள்ளார்.
விக்கெட் கீப்பராக தோனியை தேர்வு செய்துள்ள சிம்மன்ஸ், அவரையே அணியின் கேப்டனாகவும் நியமித்துள்ளார். டி20 உலக கோப்பை அறிமுகப்படுத்தப்பட்ட 2007ல் முதல் டி20 உலக கோப்பையை வென்ற கேப்டன் தோனி தான். களவியூகங்கள், வீரர்களிடமிருந்து சிறந்த ஆட்டத்தை வெளிக்கொணர்தல் ஆகிய கேப்டன்சி விஷயங்களில் தோனிக்கு நிகர் தோனியே என்ற வகையில், தோனியை கேப்டனாக தேர்வு செய்துள்ளார் லூயிஸ்.
அதேபோல் 7ஆம் வரிசையில் டுவைன் பிராவோவையும், 8 மற்றும் 9 வரிசையில் சுனில் நைரன் மற்றும் ரஷித் கானை தேர்வு செய்துள்ள சிம்மன்ஸ், வேகப்பந்து வீச்சாளர்களாக புவனேஷ்வர் குமார், காகிசோ ரபாடாவை தேர்வு செய்துள்ளார்.
Also Read: T20 World Cup 2021
லெண்டல் சிம்மன்ஸின் ஆல்டைம் பெஸ்ட் டி20 லெவன்: கிறிஸ் கெய்ல், ரோஹித் சர்மா, விராட் கோலி, டிவில்லியர்ஸ், கீரன் பொல்லார்டு, தோனி (கேப்டன், விக்கெட் கீப்பர்), டுவைன் பிராவோ, ரஷீத் கான், சுனில் நரைன், புவனேஷ்வர் குமார், ககிசோ ரபாடா.
Win Big, Make Your Cricket Tales Now
