லங்கா பிரீமியர் லீக் தொடரின் நடப்பாண்டு சீசன் விறுவிறுப்பாக நடைபெற்றுவருகிறது. இதில் இன்று நடைபெற்ற 19ஆவது லீக் ஆட்டத்தில் ஜாஃப்னா கிங்ச் - கொழும்பு ஸ்டார்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற ஜாஃப்னா கிங்ஸ் அணி பந்துவீச தீர்மானித்தது.
அதன்படி களமிறங்கிய கொழும்பு அணியின் தொடக்க வீரர்கள் தினேஷ் சண்டிமல், நிரோஷன் டிக்வெல்லா ஆகியோர் அடுத்தடுத்து ரன்கள் ஏதுமின்றி விக்கெட்டுகளை இழந்தனர். அதனைத் தொடர்ந்து வந்த அசலங்கா, தனஞ்செயா, முகமது நபி ஆகியோரும் சொற்ப ரன்களுக்கு ஆட்டமிழந்து ஏமாற்றமளித்தனர்.
இருப்பினும் நிஷான் மதுஷங்கா 35 ரன்களையும், டோமினிக் டார்க்ஸ் 38 ரன்களையும் சேர்த்தனர். இதனால் 20 ஓவர்கள் முடிவில் கொழும்பு ஸ்டார்ஸ் அணி 9 விக்கெட்டுகளை இழந்து 128 ரன்களை மட்டுமே எடுத்தது. ஜாஃப்னா கிங்ஸ் தரப்பில் திசாரா பெரேரா, சோயிப் மாலிக் தலா 2 விக்கெட்டுகளைக் கைப்பற்றினர்.
