எம்எல்சி 2025: எம்ஐ நியூயார்கை வீழ்த்தி ஹாட்ரிக் வெற்றியைப் பதிவுசெய்தது யூனிகார்ன்ஸ்!
மேஜர் லீக் கிரிக்கெட் தொடரில் கோரி ஆண்டர்சன் தலைமையிலான சான் ஃபிரான்சிஸ்கோ யூனிகார்ன்ஸ் அணி ஹாட்ரிக் வெற்றியைப் பதிவுசெய்ததுடன், புள்ளிப்பட்டியலிலும் முதலிடத்தில் நீடித்து வருகிறது.
எம்எல்சி 2025: எம்ஐ நியூயார்கை வீழ்த்தி ஹாட்ரிக் வெற்றியைப் பதிவுசெய்தது யூனிகார்ன்ஸ்! (Image Source: Google)
அதேசமயம் மறுமுனையில் சிறப்பாக விளையாடி வந்த குயின்டன் டி காக் அரைசதம் கடந்து அசத்தினார். பின் 5 பவுண்டரி, 4 சிக்ஸர்கள் என 63 ரன்களில் டி காக் விக்கெட்டை இழக்க, அடுத்து களமிறங்கிய வீரர்களில் கீரென் பொல்லார்ட் 30 ரன்களையும், சன்னி படேல் 20 ரன்களையும் சேர்த்ததை தவிர்த்து மற்ற வீரர்கள் ரன்களைச் சேர்க்க தவறினர். இதனால் 20 ஓவர்கள் முடிவில் எம்ஐ நியூயார்க் அணி 7 விக்கெட்டுகள் இழப்பிற்கு 182 ரன்களைச் சேர்த்தது. யூனிகார்ன்ஸ் அணி தரப்பில் ஹாரிஸ் ராவுஃப், ஹசன் கான் மற்றும் கார்மி லெ ரூக்ஸ் ஆகியோர் தலா 2 விக்கெட்டுகளை கைப்பற்றினர்.
இதையடுத்து இலக்கை நோக்கி விளையாடிய யூனிகார்ன்ஸ் அணிக்கு டிம் செஃபெர்ட் - ஃபின் ஆலன் இணை தொடக்கம் கொடுத்தனர். இதில் அதிரடியாக தொடங்கிய ஃபின் ஆலன் 13 ரன்களில் ஆட்டமிழக்க, அடுத்து களமிறங்கிய ஜேக் ஃபிரேசர் மெக்குர்க், சஞ்சய் கிருஷ்ணமூர்த்தி, கூப்பர் கன்னொலி உள்ளிட்டோர் சொற்ப ரன்களில் விக்கெட்டை இழந்தனர். அதன்பின் செஃபெர்டுடன் இணைந்த ஹசன் கான் அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதன்மூலம் இருவரும் இணைந்து 5ஆவது விக்கெட்டிற்கு 60 ரன்களுக்கு மேல் பார்ட்னர்ஷிப் அமைத்தனர்.
Also Read: LIVE Cricket Scoreபின்னர் 2 பவுண்டரி, 5 சிக்ஸர்கள் என 43 ரன்களில் ஹசன் கானும், 33 ரன்னில் டிம் செஃபெர்ட்டும் விக்கெட்டை இழக்க கேப்டன் கோரி ஆண்டர்சனும் 9 ரன்னில் ஆட்டமிழந்தார். இறுதியில் யாரும் எதிர்பாராத வகையில் சேவியர் பார்ட்லெட் அரைசதம் கடந்ததுடன் 4 பவுண்டரி, 5 சிக்ஸர்கள் என 59 ரன்களைச் சேர்த்து அணிக்கு வெற்றியைத் தேடிக்கொடுத்தர். இதன்மூலம் சான் ஃபிரான்சிஸ்கோ யூனிகார்ன்ஸ் அணி 19.1 ஓவர்களில் இலக்கை எட்டியதுடன் 3 விக்கெட் வித்தியாசத்தில் எம்ஐ நியூயார்க் அணியை வீழ்த்தி த்ரில் வெற்றியைப் பதிவுசெய்து அசத்தியுள்ளது.
Advertisement
Win Big, Make Your Cricket Tales Now
கிரிக்கெட்: Tamil Cricket News
