விஜய் ஹசாரே கோப்பை 2024-25: பெங்கால் அணியில் இடம்பிடித்துள்ள முகமது ஷமி!
நடப்பு சீசன் விஜய் ஹசாரே கோப்பை கிரிக்கெட் தொடருக்கான பெங்கால் அணி நேற்றைய தினம் அறிவிக்கப்பட்டுள்ள நிலையில், அந்த அணியில் முகமது ஷமி, முகேஷ் குமார் உள்ளிட்ட இந்திய அணி வீரர்கள் இடம்பிடித்துள்ளனர்.
இந்தியாவில் புகழ்பெற்ற உள்ளூர் கிரிக்கெட் தொடர்களில் ஒன்று விஜய் ஹசாரே கோப்பை ஒருநாள் தொடர். இத்தொடரின் நடப்பு சீசனானது எதிர்வரும் டிசம்பர் 21ஆம் தேதி தொடங்கி அடுத்த ஆண்டு ஜனவரி 18ஆம் தேதி வரையில் நடைபெறவுள்ளது. மொத்தம் 38 அணிகள் பங்கேற்கும் இத்தொடரானது 5 குழுக்களாக பிரிக்கபட்டு போட்டிகள் நடத்தப்படவுள்ளது.
இந்நிலையில் இத்தொடரில் பங்கேற்கும் அணிகளை மாநில கிரிக்கெட் வாரியங்கள் அறிவித்து வருகின்றனர். அந்தவகையில் நடப்பு சீசன் விஜய் ஹசாரே கோப்பை கிரிக்கெட் தொடருக்கான பெங்கால் அணி நேற்றைய தினம் அறிவிக்கப்பட்டது. இதில் அணியின் கேப்டனாக சுதீப் குமார் கராமி நியமிக்கப்பட்டுள்ள நிலையில், இந்திய அணியின் நட்சத்திர வேகப்பந்து வீச்சாளர்கள் முகமது ஷமி மற்றும் முகேஷ் குமார் ஆகியோரது பெயர்களும் இந்த அணியில் இடம்பிடித்துள்ளது.
Trending
ஆஸ்திரேலியாவில் நடைபெற்று வரும் பார்டர் கவாஸ்கர் கோப்பி தொடருக்கான இந்திய அணிக்கு முகமது ஷமி அழைக்கப்படுவார் என்று எதிர்பார்க்கப்பட்டது. இந்நிலையில், தற்போது அவர் விஜய் ஹசாரே கோப்பை தொடருக்கான பெங்கால் அணியில் இடம்பிடித்துள்ளதால் இனி அவர் ஆஸ்திரேலிய டெஸ்ட் தொடருக்கான இந்திய அணியில் இடம்பிடிக்க மாட்டார் என்பது உறுதியாகியுள்ளதாக ரசிகர்கள் கருதுகின்றனர்.
முன்னதாக கடந்தாண்டு இந்தியாவில் நடந்து முடிந்த ஐசிசி ஒருநாள் உலகக்கோப்பை கிரிக்கெட் தொடரின் போது ஏற்பட்ட காயம் காரணமாக கிட்டத்திட்ட ஓராண்டுக்கு மேலாக சர்வதேச கிரிக்கெட்டிற்கு திரும்ப முடியாமல் முகமது ஷமி அவதிப்பட்டு வருகிறார். இருப்பினும் சமீபத்தில் காயத்தில் இருந்து மீண்ட ஷமி ரஞ்சி கோப்பை, சையத் முஷ்டாக் அலி கோப்பை தொடர்களில் பெங்கால் அணிக்காக விளையாடி தனது உடற்தகுதி குறித்த கேள்விக்கு முற்றுப்புள்ளி வைத்தார்.
இதனால் நிச்சயம் ஆஸ்திரேலியாவுக்கு எதிரான கடைசி இரண்டு போட்டிகளில் ஷமி விளையாடுவார் என எதிர்பார்க்கப்பட்ட நிலையில், தற்போது அது கேள்விக்குறியாக மாறியுள்ள்து இந்திய ரசிகர்களை சோகத்தில் ஆழ்த்தியுள்ளது. அதேசமயம் எதிர்வரும் விஜய் ஹசாரே கோப்பை தொடரில் குரூப் இ பிரிவில் இடம்பிடித்துள்ள பெங்கால் அணி தனது முதல் ஆட்டத்தில் டெல்லி அணியை எதிர்கொள்ளவுள்ளது குறிப்பிடத்தக்கது.
Also Read: Funding To Save Test Cricket
விஜய் ஹசாரே தொடருக்கான பெங்கால் அணி: சுதீப் குமார் கராமி (கேப்டன்), முகமது ஷமி, அனுஸ்துப் மஜும்தார், அபிஷேக் போரல், சுதீப் சட்டர்ஜி, கரண் லால், ஷகிர் ஹபீப் காந்தி, சுமந்த குப்தா, சுபம் சட்டர்ஜி, ரஞ்சோத் சிங் கைரா, பிரதீப்தா பிரமானிக், கௌசிக் மைதி, விகாஸ் சிங், முகேஷ் குமார், சக்சம் சவுத்ரி, ரோஹித் குமார், முகமது கைஃப், சூரஜ் சிந்து ஜெய்ஸ்வால், சயன் கோஷ், கனிஷ்க் சேத்.
Win Big, Make Your Cricket Tales Now
