ரசிகர்களை மீண்டும் நெகிழ்ச்சியில் ஆழ்த்திய நியூசிலாந்து கிரிக்கெட் வாரியம்!
டி20 உலகக்கோப்பை கிரிக்கெட் தொடருக்கான நியூசிலாந்து அணி இன்றைய தினம் அறிவிக்கப்பட்ட நிலையில், இரு சிறுவர்கள் செய்தியாளர் சந்தீப்பில் கலந்துகொண்டு அணியை அறிவித்தது ரசிகர்களை நெகிழ்ச்சியில் ஆழ்த்தியுள்ளது.
ஐசிசி டி20 உலகக்கோப்பை தொடரானது வரும் ஜூன் மாதம் முதல் வெஸ்ட் இண்டீஸ் மற்றும் அமெரிக்காவில் நடைபெறவுள்ள நிலையில், இத்தொடரில் எந்த அணி கோப்பையை வெல்லும் என்ற எதிர்பார்ப்புகள் அதிகரித்துள்ளன. இந்நிலையில் இத்தொடரில் பங்கேற்கும் ஒவ்வொரு அணியும் தீவிரமாக தயாராகி வரும் நிலையில், இத்தொடரில் பங்கேற்கும் அணியையும் ஒவ்வொரு கிரிக்கெட் வாரியமும் அறிவிக்க தொடங்கியுள்ளன.
அந்தவகையில் நடப்பு டி20 உலகக்கோப்பை தொடரில் பங்கேற்கும் நியூசிலாந்து அணி இன்றைய தினம் அறிவிக்கப்பட்டுள்ளது. அதன்படி அறிவிக்கப்பட்டுள்ள நியூசிலாந்து அணிக்கு கேப்டனாக அனுபவ வீரர் கேன் வில்லியம்சன் நியமிக்கப்பட்டுள்ளார். மேலும் டிரெண்ட் போல்ட், டிம் சௌதீ, லோக்கி ஃபர்குசன், டெவான் கான்வே, டேரில் மிட்செல், ஜிம்மி நீஷம், மிட்செல் சாண்ட்னர் உள்ளிட்ட நட்சத்திர வீரர்கள் இந்த அணியில் இடம்பிடித்துள்ளனர்.
Trending
25 years on. A new chapter #T20WorldCup pic.twitter.com/Z7xhPBOTcq
— BLACKCAPS (@BLACKCAPS) April 29, 2024
அத்துடன் இந்த டி20 உலகக்கோப்பை தொடருக்கான பிரத்தேயக ஜெர்சியையும் நியூசிலாந்து அணி இன்றையம் தினம் வெளியிட்டது. இந்நிலையில் நியூசிலாந்து அணி அறிவிக்கப்பட்டதை தாண்டி, அந்த அணி நிர்வாகம் செய்த செயல் ஒன்று ரசிகர்களை நெகிழ்ச்சியில் ஆழ்த்தியுள்ளது. ஏனெனில் எந்தவொரு ஐசிசி தொடருக்கு முன்னர் ஒவ்வொரு நாட்டு கிரிக்கெட் வாரியங்களும் செய்தியாளர்களைச் சந்தித்து அணிகளை அறிவிப்பது வழக்கம்.
அதன்படி நடைபெறும் அந்த செய்தியாளர் சந்திப்பில் கிரிக்கெட் வாரிய உறுப்பினர்கள், அணி வீரர்கள் ஆகியோரே பங்கேற்று அணியை வெளியீடுவர். ஆனால் நியூசிலாந்து கிரிக்கெட் வாரியமானது இந்த டி20 உலகக்கோப்பை தொடருக்கான நியூசிலாந்து அணியை அறிவிப்பதற்காக இரண்டு சிறுவர்களை செய்தியாளர் சந்திப்பில் பங்கேற்க செய்துள்ளது நெகிழ்ச்சியை ஏற்படுத்தியுள்ளதுடன், பாராட்டுகளைம் பெற்றுள்ளது.
Join special guests Matilda and Angus at the squad announcement for the upcoming @t20worldcup in the West Indies and USA. #T20WorldCup pic.twitter.com/6lZbAsFlD5
— BLACKCAPS (@BLACKCAPS) April 29, 2024
அதன்படி நியூசிலாந்து கிரிக்கெட் வாரியம் வெளியிட்டுள்ள செய்தியாளர் சந்திப்பு காணொளியில், "அனைவருக்கும் காலை வணக்கம். இங்கு வந்ததற்கு நன்றி. நான் மாடில்டா. நான் அங்கஸ். இன்று, வெஸ்ட் இண்டீஸ் மற்றும் அமெரிக்காவில் நடக்கும் ஐசிசி டி20 உலகக் கோப்பைக்கான நியூசிலாந்து அணியை அறிவிப்பதில் மகிழ்ச்சி அடைகிறோம்" என்று அச்சிறுவர்கள் கூறும் காணொளியானது இணையத்தில் வைரலாகி வருகிறது.
முன்னதாக இந்தியாவில் நடைபெற்று முடிந்த ஐசிசி ஒருநாள் உலகக்கோப்பை தொடருக்கான நியூசிலாந்து அணியை அறிவிக்கும் வகையில், வீரர்களின் குடும்ப உறுப்பினர்களை கொண்டு நியூசிலாந்து கிரிக்கெட் வாரியம் தங்களது அணியை அறிவித்திருந்தது. இந்நிலையில் டி20 உலகக்கோப்பை தொடருக்கான அணியை சிறுவர்களை கொண்டு அறிவித்து மீண்டும் சர்வதேச கிரிக்கெட் ரசிகர்கள் மனதை நியூசிலாந்து கிரிக்கெட் வாரியம் கவர்ந்துள்ளது குறிப்பிடத்தக்கது.
டி20 உலகக்கோப்பை நியூசிலாந்து அணி: கேன் வில்லியம்சன் (கே), ஃபின் ஆலன், டிரெண்ட் போல்ட், மைக்கேல் பிரேஸ்வெல், மார்க் சாப்மேன், டெவான் கான்வே, லோக்கி ஃபெர்குசன், மேட் ஹென்றி, டேரில் மிட்செல், ஜிம்மி நீஷம், க்ளென் பிலிப்ஸ், ரச்சின் ரவீந்திரா, மிட்செல் சான்ட்னர், இஷ் சோதி, டிம் சவுத்தி.
ரீஸர்வ் வீரர்கள்: பென் சியர்ஸ்
Win Big, Make Your Cricket Tales Now
