வங்கதேச டி20 தொடருக்கான பாகிஸ்தான் அணி அறிவிப்பு; பாபர், ரிஸ்வான், ஷாஹீன் நீக்கம்!
வங்கதேச டி20 தொடருக்கான பாகிஸ்தான் அணி இன்று அறிவிக்கப்பட்டுள்ள நிலையில், பாபர் ஆசாம், முகமது ரிஸ்வான் மற்றும் ஷாஹீன் அஃப்ரிடி ஆகியோர் அணியில் இருந்து நீக்கப்பட்டுள்ளனர்.
இதனையடுத்து வங்கதேச அணியானது பாகிஸ்தானில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடவுள்ளது. முன்னதாக இத்தொடரானது முன்னதாக மே 25 ஆம் தேதி தொடங்க திட்டமிடப்பட்டிருந்த நிலையில், பாகிஸ்தான் சூப்பர் லீக் தொடர் காரணமாக மே 27ஆம் தேதிக்கு ஒத்திவைக்கப்பட்டதாக தகவல்கள் வெளியாகியுள்ளன. மேலும் இத்தொடருக்கான வங்கதேச அணியும் ஏற்கெனவே அறிவிக்கப்பட்டுள்ளது.
இந்நிலையில் வங்கதேச டி20 தொடருக்கான பாகிஸ்தன் அணி இன்று அறிவிக்கப்பட்டுள்ளது. அதன்படி, பாகிஸ்தான் டி20 அணியின் கேப்டனாக சல்மான் அலி ஆகாவும், அணியின் துணைக்கேப்டனாக சதாப் கானும் நியமிக்கப்பட்டுள்ளது. மேற்கொண்டு காயம் காரணமாக கடந்த சில மாதங்களாக சர்வதேச கிரிக்கெட்டில் விளையாடாமல் இருந்த சைம் அயூப் மற்றும் ஃபகர் ஸ்மான் ஆகியோருக்கும் இந்த அணியில் வாய்ப்பு வழங்கப்பட்டுள்ளது.
மேற்கொண்டு ஹாரிஸ் ராவுஃப் மற்றும் நசீம் ஷா ஆகியோருக்கும் இந்த அணியில் இடம் கிடைத்துள்ளது. அதேசமயம் அணியின் நட்சத்திர வீரர்கள் பாபர் ஆசாம், முகமது ரிஸ்வான் மற்றும் ஷாஹீம் அஃப்ரிடி ஆகியோர் டி20 அணியிலிருந்து புறக்கணிக்கப்பட்டுள்ளனர். நடைபெற்று வரும் பாகிஸ்தான் சூப்பர் லீக் தொடரில் அவர்களின் செயல்பாடும் மோசமாக இருந்ததன் காரணமாக அணியில் இருந்து நீக்கப்பட்டுள்ளதாக கூறப்படுகிறது.
பாகிஸ்தான் டி20 அணி: சல்மான் அலி ஆகா (கேப்டன்), ஷதாப் கான் (துணைக்கேப்டன்), அப்ரார் அகமது, ஃபஹீம் அஷ்ரஃப், ஃபகர் ஸமான், ஹாரிஸ் ரவூஃப், ஹசன் அலி, ஹசன் நவாஸ், ஹுசைன் தலாத், குஷ்தில் ஷா, முகமது ஹாரிஸ், முகமது வாசிம் ஜூனியர், முஹம்மது இர்பான் கான், நசீம் ஷா, சாஹிப்சாதா ஃபர்ஹான், சைம் அயூப்
Also Read: LIVE Cricket Score
வங்கதேச டி20 அணி: லிட்டன் தாஸ் (கேப்டன்), தன்சித் ஹசன், பர்வேஸ் ஹொசைன், சௌமியா சர்க்கார், நஜ்முல் ஹொசைன் சாண்டோ, தாவ்ஹித் ஹ்ரிடோய், ஷமிம் ஹொசைன், ஜக்கர் அலி, ரிஷாத் ஹொசைன், மஹேதி ஹசன் (துணை கேப்டன்), தன்வீர் இஸ்லாம், முஸ்தாஃபிசூர் ரஹ்மான், ஹசன் மஹ்மூத், தன்சிம் ஹசன் சாகிப், நஹித் ராணா மற்றும் ஷோரிபுல் இஸ்லாம்.
Win Big, Make Your Cricket Tales Now
