தனது ஆல் டைம் டாப் 5 டெஸ்ட் பேட்டர்களை தேர்வு செய்த ரிக்கி பாண்டிங்!
ஆஸ்திரேலிய அணியின் முன்னாள் ஜாம்பவான் ரிக்கி பாண்டிங் தனது ஆல் டைம் சிறந்த ஐந்து டெஸ்ட் பேட்டர்களைத் தேர்வு செய்துள்ள நிலையில் அதில் விராட் கோலிக்கு வாய்ப்பு வழங்கவில்லை.
இந்தியா - இங்கிலாந்து அணிகளுக்கு இடையேயான ஐந்து போட்டிகள் கொண்ட டெஸ்ட் தொடரின் முடிவில் இரு அணிகளும் தலா இரண்டு வெற்றிகளைப் பதிவுசெய்து 2-2 என்ற கணக்கில் தொடரை சமன்செய்தன. மேலும் இந்த தொடரில் சிறப்பான ஆட்டத்தை வெளிப்படுத்திய இந்திய அணி கேப்டன் ஷுப்மன் கில் மற்றும் இங்கிலாந்தின் ஹாரி புரூக் ஆகியோர் தொடர்நாயகன் விருதை வென்றானர்.
இந்நிலையில் ஆஸ்திரேலிய அணியின் முன்னாள் ஜாம்பவான் ரிக்கி பாண்டிங் தனது ஆல் டைம் சிறந்த ஐந்து டெஸ்ட் பேட்டர்களைத் தேர்வு செய்துள்ளார். அவர் முதலில் வெஸ்ட் இண்டீஸின் பிரையன் லாராவைத் தேர்வு செய்துள்ளார். பிரையன் லாரா 131 டெச்ட் போட்டிகளில் விளையாடி 11,953 ரன்களைக் குவித்துள்ளார். மேலும் ஒரு இன்னிங்ஸில் அதிக ரன்களைக் குவித்த பேட்டர் எனும் சாதனையையும் தன் வசம் வைத்துள்ளார். அவரது அதிகபட்ச ஸ்கோரானது 400 ரன்களாக உள்ளது.
பிரையன் லாராவுக்குப் பிறகு, ரிக்கி பாண்டிங் இரண்டு சிறந்த இந்திய வீரர்கள் சச்சின் டெண்டுல்கர் மற்றும் ராகுல் டிராவிட் ஆகியோரைத் தேர்ந்தெடுத்தார், அவர்களை அவர் தனது டாப்-5 ஆல்-டைம் சிறந்த டெஸ்ட் பேட்ஸ்மேன்களில் சேர்த்தார். இந்த இரண்டு ஜாம்பவான்களைப் பற்றி ரிக்கி பாண்டிங் கூறுகையில், "சச்சின் மற்றும் ராகுல் டிராவிட் தொழில்நுட்ப ரீதியாக நான் பார்த்த சிறந்த வீரர்கள் என்று பாராட்டியுள்ளார்.
இதில் சச்சின் டெண்டுல்கர் சர்வதேச டெஸ்ட் போட்டிகளில் அதிக ரன்கள் எடுத்த வீரர் எனும் சாதனையைப் படைத்துள்ளார். அவர் இதுவரை 200 டெஸ்ட் போட்டிகளில் 15,921 ரன்கள் எடுத்து அவர் இந்த சாதனையை படைத்துள்ளார். மேலும், அவர் டெஸ்ட் கிரிக்கெட்டில் 51 சதங்களையும் விளாசியுள்ளார். அதேசமயம் ராகுல் டிராவிட் 164 போட்டிகளில் 13,288 ரன்கள் எடுத்துள்ளார். டெஸ்ட் வடிவத்தில் அதிக ரன்கள் எடுத்த வீரர்கள் பட்டியலில் அவர் ஐந்தாவது இடத்தில் உள்ளார்.
அதன்பிறகு ரிக்கி பாண்டிங் தனது பட்டியலில் இங்கிலாந்தின் ஜோ ரூட் மற்றும் நியூசிலாந்தின்கேன் வில்லியம்சன் ஆகியோரை சேர்த்துள்ளார். ஜோ ரூட்டைப் பற்றிப் பேசுகையில், "கடந்த 5 ஆண்டுகளில் அவர் செய்தவை அசாதாரணமானவை. அவரது புள்ளிவிவரங்களைப் பாருங்கள், அவர் 13,500 ரன்கள் எடுத்துள்ளார். வீரர்கள் தங்கள் திறமையின் உச்சத்தில் எவ்வளவு காலம் இருக்க முடியும் என்பதன் அடிப்படையில் நான் தரவரிசைப்படுத்துகிறேன். அவர் தனது 30 முதல் 40 போட்டிகளுக்கு ஒரு சிறந்த வீரராக இருக்க முடியும், ஆனால் 150 போட்டிகளுக்கு இதைச் செய்ய முடியுமா?"
மேல்ய்ம் அவர் தனது முதல் 100 போட்டிகள் வரை ஒரு சிறந்த வீரராக இருக்க வாய்ப்பில்லை, அவர் 97 டெஸ்ட் போட்டிகளில் 17 சதங்களை அடித்தார், ஆனால் இப்போது அவர் ஒரு சிறந்த வீரராக மாறிவிட்டார். அவர் தனது கடைசி 60 போட்டிகளில் (ஓவல் டெஸ்டுக்கு முன்பு) 21 சதங்களை அடித்தார்" என்று கூறினார். ஜோ ருட்டைப் பொறுத்தவரையில் இதுவரை 158 டெஸ்ட் போட்டிகளில் விளையாடி 13,543 ரன்களை எடுத்துள்ளார்.
Also Read: LIVE Cricket Score
ரிக்கி பாண்டிங்கின் கடைசி தேர்வான கேன் வில்லியம்சன் பற்றிப் பேசினால், நியூசிலாந்திற்காக அதிக டெஸ்ட் ரன்கள் எடுத்த வீரர் எனும் சாதனையை அவர் படைத்துள்ளார். அவர் இதுவரை 105 போட்டிகளில் 186 இன்னிங்ஸ்களில் 54.88 சராசரியாக 9,276 ரன்கள் எடுத்து இந்த சாதனையை படைத்துள்ளார். இதன் காரணமாக அவரை ரிக்கி பாண்டிங் தேர்வு செய்துள்ளார். இந்நிலையில் ரிக்கி பாண்டிங்கின் இந்த தேவு குறித்த விவாதங்கள் நடத்தப்பட்டு வருகின்றன.
Win Big, Make Your Cricket Tales Now
