தோனியின் சாதனையை முறியடித்தார் ரோஹித் சர்மா!
இந்திய அணிக்காக இந்தியாவில் அதிக சிக்ஸர்கள் அடித்தோர் பட்டியலில் முன்னாள் கேப்டன் மகேந்திர சின் தோனியை பின்னுக்கு தள்ளி தற்போதுள்ள இந்திய அணி கேப்டன் ரோஹித் சர்மா முதலிடத்தைப் பிடித்துள்ளார்.
முதலில் களமிறங்கிய இந்திய அணியில் ஓபனர்களாக கேப்டன் ரோஹித் ஷர்மா, ஷுப்மன் கில் ஆகியோர் களமிறங்கினர். துவக்கத்தில் எக்ஸ்ட்ரா பவுன்ஸ், ஸ்விங் இருந்ததால் ஓபனர்கள் நிதானமாக விளையாட ஆரம்பித்தார்கள்.
Trending
குறிப்பாக, ரோஹித் சர்மா பவுண்டரி, சிக்ஸர்களில்தான் ரன்களை சேர்த்து வந்தார். இந்நிலையில், ரோஹித் 34 (38) டிக்னர் வீசிய பந்தில் கேட்ச் ஆகி நடையைக் கட்டினார். இதனைத் தொடர்ந்து விராட் கோலி 8 (10), இஷான் கிஷன் 5 (14) ஆகியோரும் பெரிய ஸ்கோர் அடிக்கவில்லை.
இதனைத் தொடர்ந்து மற்றொரு தொடக்க வீரர் ஷுப்மன் கில்லுடன் சூர்யகுமார் யாதவ் பார்ட்னர்ஷிப் அமைத்தார். அப்போது, இருவரும் சிறப்பாக விளையாடி வந்த நிலையில், சூர்யகுமார் யாதவும் 31 (26) பெரிய ஸ்கோர் அடிக்காமல், டேரில் மிட்செல் பந்துவீச்சில் நடையைக் கட்டினார். மறுபக்கம் கில் 88 பந்துகளில் 14 பவுண்டரி, 2 சிக்ஸர்கள் உட்பட 100 ரன்களை எடுத்து அசத்தினார்.
அதன்பின் மாறுமுனையில் களமிறங்கிய ஹர்திக் பாண்டியான், வாஷிங்டன் சுந்தர், ஷர்துல் தாகூர் ஆகியோரும் விக்கெட்டுகளை இழக்க, தொடர்ந்து அபார ஆட்டத்தை வெளிப்படுத்திய ஷுப்மன் கில் 145 பந்துகளில் தனது முதல் இரட்டை சதத்தை பதிவுசெய்து அசத்தினார். இதன்மூலம் இந்திய அணி 50 ஓவர்கள் முடிவில் 8 விக்கெட் இழப்பிற்கு 349 ரன்களைச் சேர்த்தது.
இந்நிலையில், இந்திய அணிக்காக இந்தியாவில் அதிக சிக்ஸர்கள் அடித்தோர் பட்டியலில் தோனி (123) முதலிடத்தில் இருந்தார். ரோஹித் சர்மா இந்த சாதனையை சமன் செய்திருந்த நிலையில், தற்போது இப்போட்டியில் இரண்டு சிக்ஸர்களை அடித்து, 125 சிக்ஸர்களுடன் முதலிடத்தை பிடித்துள்ளார். யுவராஜ் சிங் 71 சிக்ஸர்களுடன் மூன்றாமிடத்தில் உள்ளது குறிப்பிடத்தக்கது.
Win Big, Make Your Cricket Tales Now
