எஸ்ஏ20 2024: அணியை சரிவிலிருந்து மீட்ட ஹென்றிக்ஸ்; பார்ல் ராயல்ஸுக்கு 169 டார்கெட்!

பார்ல் ராயல்ஸ் அணிக்கெதிரான எஸ்ஏ20 லீக் ஆட்டத்தில் முதலில் பேட்டிங் செய்த ஜோபர்க் சூப்பர் கிங்ஸ் அணி 169 ரன்களை இலக்காக நிர்ணயித்துள்ளது.

எஸ்ஏ20 2024: அணியை சரிவிலிருந்து மீட்ட ஹென்றிக்ஸ்; பார்ல் ராயல்ஸுக்கு 169 டார்கெட்! (Image Source: Google)

எஸ்ஏ20 லீக் தொடரின் இரண்டாவது சீசன் தென் ஆப்பிரிக்காவில் விறுவிறுப்பாக நடைபெற்று வருகிறது. இதில் இன்று நடைபெற்ற 17ஆவது லீக் ஆட்டத்தில் ஜோபர்க் சூப்பர் கிங்ஸ் அணியை எதிர்த்து பார்ல் ராயல்ஸ் அணி பலப்பரீட்சை நடத்தியது. ஜொஹன்னஸ்பர்க்கிலுள்ள வாண்டரர்ஸ் கிரிக்கெட் மைதானத்தில் தொடங்கிய இப்போட்டியில் டாஸ் வென்ற பார்ல் ராயல்ஸ் அணி முதலில் பந்துவீசுவதாக அறிவித்தது. 

அதன்படி களமிறங்கிய ஜோபர்க் சூப்பர் கிங்ஸ் அணிக்கு வழக்கம் போல் கேப்டன் ஃபாஃப் டூ பிளெசிஸ் - ரீஸா ஹென்றிக்ஸ் இணை தொடக்கம் கொடுத்தனர். இதில் மீண்டும் தடுமாற்றமான ஆட்டத்தை வெளிப்படுத்திய ஃபாஃப் டூ பிளெசிஸ் 17 ரன்களில் ஆட்டமிழந்தார். பின்னர் ஹென்றிஸுடன் இணைந்த டூ ப்ளூய் அதிரடியாக விளையாடி அணியின் ஸ்கோரை உயர்த்தும் முயற்சியில் இறங்கினார்.

இதில் 16 பந்துகளில் 4 பவுண்டரி, ஒரு சிக்சர் என 30 ரன்களை எடுத்த நிலையில் டூ ப்ளூய் ஆட்டமிழந்து வெளியேற, அடுத்து களமிறங்கிய மகான்யாவும் 15 ரன்களுக்கு விக்கெட்டை இழந்து பெவிலியன் திரும்பினார். அதேசமயம் மறுமுனையில் பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்தி வந்த ரீஸா ஹென்றிக்ஸ் தனது அரைசதத்தைப் பதிவுசெய்தார். 

இறுதியில் ஹென்றிஸுடன் இணைந்து மொயீன் அலியும் அதிரடியான ஆட்டத்தை வெளிப்படுத்த அதுவரை தடுமாறிய ஜோபர்க் சூப்பர் கிங்ஸ் அணி, கடைசி இரண்டு ஓவர்களில் மளமளவென சவாலான இலக்கை நோக்கி நகர்ந்தது. இதில் இறுதிவரை ஆட்டமிழக்காமல் இருந்த ரீஸா ஹென்றிக்ஸ் 7 பவுண்டரி 3 சிக்சர்கள் என 79 ரன்களையும், மொயீன் அலி 2 பவுண்டரி, 2 சிக்சர்கள் என 23 ரன்களையும் சேர்த்து அணிக்கு ஃபினீஷிங்கைக் கொடுத்தனர். 

இதன்மூலம் 20 ஓவர்கள் முடிவில் ஜோபர்க் சூப்பர் கிங்ஸ் அணி 3 விக்கெட்டுகளை இழந்து 168 ரன்களைச் சேர்த்து. பார்ல் ராயல்ஸ் அணி தரப்பில் லுங்கி இங்கிடி, ஃபேபியன் ஆலன், ஆண்டில் பெஹ்லுக்வாயோ ஆகியோர் தலா ஒரு விக்கெட்டை கைப்பற்றினர். இதையடுத்து 169 ரன்கள் எடுத்தால் வெற்றி என்ற இழக்குடன் பார்ல் ராயல்ஸ் அணி விளையாடவுள்ளது.

Win Big, Make Your Cricket Tales Now