உலகக்கோப்பை தொடரிலிருந்து விலகும் ஸ்ரேயாஸ் ஐயர்; வெளியான அதிர்ச்சி தகவல்!

காயம் காரணமாக அவதிப்பட்டு வரும் இந்திய அணியின் நட்சத்திர வீரர் ஸ்ரேயாஸ் ஐயர் வரவுள்ள உலகக்கோப்பை கிரிக்கெட் தொடரிலிருந்து விலக வாய்ப்புள்ளதாக தகவல் வெளியாகியுள்ளது.

Shreyas Iyer’s Absence Confirmed for ICC World Cup 2023! (Image Source: Google)

சர்வதேச கிரிக்கெட்டில் அடுத்த சில மாதங்களுக்கு தொடர்ச்சியாக மிகப்பெரிய தொடர்கள் நடைபெற உள்ளது. செப்டம்பர் மாதம் ஆசியக்கோப்பை தொடர், அதைத்தொடர்ந்து அக்டோபர் 5ஆம் தேதி முதல் ஒருநாள் உலகக் கோப்பைத் தொடர் என இடைவிடாமல் நடக்கிறது. அக்டோபர் 5ஆம் தேதி முதல் நவம்பர் 15ஆம் தேதி வரை நடைபெற உள்ள உலகக்கோப்பை போட்டிகளுக்கான அட்டவணை பட்டியல் அண்மையில் வெளியிடப்பட்டது. இன்னும் நூறு நாட்களுக்கும் குறைவாகவே இருக்கிறது.

இந்திய அணி வருகிற ஜூலை 10ஆம் தேதிக்கு மேல் வெஸ்ட் இண்டீஸில் சுற்றுப்பயணம் மேற்கொண்டு 2 டெஸ்ட் போட்டிகள், மூன்று ஒருநாள் போட்டிகள் மற்றும் ஐந்து டி20 போட்டிகள் கொண்ட தொடரில் விளையாடுகிறது. இத்தொடரில் முன்னணி இந்திய வீரர்கள் சிலர் இடம்பெறவில்லை காயத்திற்காக சிகிச்சை பெற்று வருகின்றனர்.

கடந்த ஆண்டு செப்டம்பர் மாதம் முதல் சர்வதேச கிரிக்கெட்டில் இருந்து விலகி இருக்கும் பும்ரா, தற்போது தேசிய கிரிக்கெட் அகாடமியில் குணமடைந்து வருகிறார். அவருக்கு பயிற்சி போட்டிகள் நடைபெற்று அதில் உடல்தகுதியை பெற்றபின் சர்வதேச கிரிக்கெட்டில் விளையாடுவார் என்று பிசிசிஐ அதிகாரி தெரிவித்தார். அனேகமாக அயர்லாந்து அணிக்கு எதிரான டி20 தொடரில் அவர் விளையாட வைக்கப்படலாம் என்றும் கூறினார்.

கேஎல் ராகுல் விஷயத்தில் காயம் வேகமாக குணமடைந்து வருவதாகவும் ஆசியகோப்பைக்கு முன்பு குணமடைந்து விடுவார் மீண்டும் இந்திய அணிக்கு வந்து விடுவார் என்றும் தெரிவித்தார். அதைத்தொடர்ந்து கடந்த பிப்ரவரி மாதத்தில் இருந்து காயம் காரணமாக சர்வதேச போட்டிகளில் இருந்து விலகி இருக்கும் ஷ்ரேயாஸ் ஐயர் அறுவைசிகிச்சை மேற்கொண்டார். அதன் பிறகு விரைவாக தேசிய கிரிக்கெட் அகாடமிக்கு திரும்பினார். 

சிகிச்சை மற்றும் பயிற்சிகளை மேற்கொண்டு வருதாக தகவல்கள் வந்தது. அதைப் பற்றி பேசிய தேசிய கிரிக்கெட் அகாடமி அதிகாரி கூறுகையில், “ஸ்ரேயாஸ் ஐயர் விஷயம் தான் சற்று கவலையாக இருக்கிறது. அவர் குணமடைவதில் தாமதம் ஏற்பட்டு வருகிறது. ஆகையால் குறிப்பிட்ட நாட்களுக்குள் குணமடைந்து விடுவார் என்று கூற இயலாது. 

அனேகமாக உலக கோப்பைக்குள் குணமடைவார் என்று எதிர்பார்க்கிறோம். ஆனால் இப்போது இருக்கும் நிலைமையை வைத்துப்பார்க்கையில் சற்று சந்தேகமாக தான் இருக்கிறது. உலகக்கோப்பையில் விளையாடாமல் விலகினாலும் ஆச்சரியப்படுவதற்கு இல்லை” என்று அதிர்ச்சியான தகவலை தெரிவித்துள்ளார்.

Win Big, Make Your Cricket Tales Now