ஐசிசி டி20 தரவரிசை: அசுர வளர்ச்சியில் ஷுப்மன் கில், ஹர்திக் பாண்டியா!

ஐசிசி வெளியிட்டுள்ள டி20 பேட்டர்களுக்கான தரவரிசைப் பட்டியளில் இந்திய வீரர் ஷுப்மன் கில் 168 இடங்கள் முன்னேறி அசத்தியுள்ளார்.

Shubman Gill, Hardik Pandya Gain Big In ICC Men's T20I Player Rankings After Series Victory Over New (Image Source: Google)

ஐசிசி டி20 தரவரிசை போட்டிக்கான பட்டியலில் அதிரடி மாற்றங்கள் நடந்துள்ளது. கடைசியாக நியூசிலாந்து அணியை எதிர்கொண்ட இந்தியா 3-0 என்ற கணக்கில் வெற்றி பெற்றது. இதன் மூலம் இந்திய அணி வீரர்கள் பலர் டி20 தரவரிசை பட்டியலில் முன்னேற்றங்களை அடைந்திருக்கிறார்கள். 

இதில் சூர்யகுமார் யாதவ் நியூசிலாந்துக்கு எதிரான டி20 போட்டியில் பெரிய தாக்கத்தை ஏற்படுத்தவில்லை. இருப்பினும் அவர் தொடர்ந்து 906 புள்ளிகள் உடன் பேட்டிங் தர வரிசையில் முதலிடத்தில் நீடிக்கிறார். நியூசிலாந்துக்கு எதிரான மூன்றாவது டி20 போட்டியில் சதம் விளாசியதன் மூலம் இந்திய அணியின் ஷுப்மன் கில் தரவரிசை பட்டியலில் உச்சத்தை தொட்டு இருக்கிறார். 

முதல் இரண்டு டி20 போட்டியில் சொத்தப்பிய கில், கடைசி ஆட்டத்தில் 63 பந்துகளில் 126 ரன்கள் விளாசினார். இதன்மூலம் அவர், அவர் தரவரிசை பட்டியலில் 168 இடங்கள் முன்னேறி தற்போது 30ஆவது இடத்தில் இருக்கிறார். கில் 6 சர்வதேச டி20 போட்டியில் மட்டுமே விளையாடி இருக்கிறார் என்பது குறிப்பிடத்தக்கது.

தற்போது அனைத்து வகை கிரிக்கெட்டிலும் சதம் விளாசிய ஷுப்மன் கில் ஒரு நாள் கிரிக்கெட் தரவரிசை பட்டியலில் ஆறாவது இடத்திலும் , டெஸ்ட் தரவரிசை பட்டியலில் 62ஆவது இடத்திலும் நீடிக்கிறார். டி20 கிரிக்கெட்டில் இருந்து ஓரங்கட்டப்பட்ட விராட் கோலி தற்போது 15ஆவது இடத்திலும், கேஎல் ராகுல் இரண்டு இடங்கள் சரிந்து தற்போது 27 ஏழாவது இடத்திலும் ,ரோஹித் சர்மா 29 வது இடத்திலும் சரிந்து இருக்கிறார்கள். இந்த மூன்று வீரர்களும் டி20 உலக கோப்பைக்கு பிறகு எந்த டி20 போட்டிகளில் பங்கேற்காமல் இருப்பது குறிப்பிடத்தக்கது.

இதேபோன்று டி20 கிரிக்கெட்டில் கடந்த 16 இன்னிங்ஸில் சொதப்பி வரும் இஷான் கிஷன் மூன்று இடங்கள் சரிந்து 48ஆவது இடத்திற்கு தள்ளப்பட்டுள்ளார். அதேபோன்று டி20 பந்துவீச்சாளர்களுக்கான தரவரிசை பட்டியலில் முதல் 10 இடத்தில் எந்த ஒரு இந்திய வீரருவரும் இல்லை. ஹர்ஷிதீப் சிங் மட்டும் எட்டு இடங்கள் முன்னேறி தற்போது 13ஆவது இடத்தை பிடித்திருக்கிறார். 

இந்திய அணியின் நட்சத்திர வீரர் புவனேஸ்வர் குமார் தற்போது 21ஆவது இடத்திற்கு தள்ளப்பட்டுள்ளார். தமிழக வீரர் அஸ்வின் 29 ஆவது இடத்திலும் ,அக்சர் பட்டேல் 30ஆவது இடத்திலும் உள்ளனர்.

இந்திய அணியின் டி20 கேப்டனும் அதிரடி ஆல் ரவுண்டரான ஹர்திக் பாண்டியா தரவரிசை பட்டியலில் முன்னேற்றம் அடைந்திருக்கிறார். கடைசி போட்டியில் நான்கு விக்கெட்டுகளையும், பேட்டிங்கில் 30 ரன்களையும் விளாசியதன் மூலம் ஹர்திக் பாண்டியா பேட்ஸ்ன்களுக்கான பட்டியலில் 53ஆவது இடத்தில் இருந்து 50ஆவது இடத்திற்கும், பந்துவீச்சாளர்களுக்கான பட்டியலில் 66ஆவது இடத்தில் இருந்து 46ஆவது இடத்திற்கு முன்னேறியுள்ளார். ஆல்ரவுண்டர்களுக்கான தரவரிசை பட்டியலில் இரண்டாவது இடத்திற்கும் ஹர்திக் பாண்டியா முன்னேறியுள்ளார். இதேபோன்று நியூசிலாந்து வீரர் டேரில் மிச்சல் பேட்டிங்கில் 25ஆவது இடத்தை பிடித்திருக்கிறார.