ஐசிசி டி20 உலகக்கோப்பை 2024: ரோவ்மன் பாவெல் தலைமையிலான வெஸ்ட் இண்டீஸ் அணி அறிவிப்பு!
ஐசிசி டி20 உலகக்கோப்பை தொடரில் பங்கேற்கும் ரோவ்மன் பாவெல் தலைமையிலான வெஸ்ட் இண்டீஸ் அணியை அந்நாட்டு கிரிக்கெட் வாரியம் இன்று அறிவித்துள்ளது.
ஐசிசியின் டி20 உலகக்கோப்பை தொடர் அடுத்த மாதம் வெஸ்ட் இண்டீஸ் மற்றும் அமெரிக்காவில் நடைபெற உள்ளது. மொத்தம் 20 அணிகள் கலந்துகொள்ளும் இத்தொடரின் மீதான எதிர்பார்ப்புகளும் நாளூக்கு நாளு ரசிகர்கள் மத்தியில் அதிகரித்த வண்ணமே உள்ளன. இந்நிலையில் இத்தொடருக்காக தற்போது ஒவ்வொரு நாட்டு கிரிக்கெட் வாரியமும் தங்களது அணிகளை அறிவித்து வருகின்றன.
அந்தவகையில் நடப்பு டி20 உலகக்கோப்பை தொடரை நடத்தும் முன்னாள் சாம்பியன் வெஸ்ட் இண்டீஸ் அணி இன்று அறிவிக்கப்பட்டுள்ளது. அதன்படி வெஸ்ட் இண்டீஸ் அணியின் கேப்டனாக ரோவ்மன் பாவெல் நியமிக்கப்பட்டுள்ளார். மேலும், ஷிம்ரான் ஹெட்மையர், ஜேசன் ஹோல்டர், ஆண்ட்ரே ரஸல், நிக்கோலஸ் பூரன், பிராண்டன் கிங், ஜான்சன் சார்லஸ், ரொமாரியோ செஃபெர்ட், அகீல் ஹொசைன் போன்ற நட்சத்திர வீரர்களுக்கு வாய்ப்பு வழங்கப்பட்டுள்ளது.
Trending
அதுமட்டுமின்றி ஆஸ்திரேலிய டெஸ்ட் தொடரின் அபார ஆட்டத்தை வெளிப்படுத்திய அறிமுக வேகப்பந்துவீச்சாளர் ஷமார் ஜோசபிற்கு இந்த டி20 உலகக்கோப்பையில் விளையாடும் வாய்ப்பு கிடைத்துள்ளது. ஆனால் அதேசமயம் கைல் மேயர்ஸ், ஒஷேன் தாமஸ் போன்ற வீரர்களுக்கு இத்தொடருக்கான வெஸ்ட் இண்டீஸ் அணியில் இடம் கிடைக்கவில்லை என்பது குறிப்பிடத்தக்கது.
வெஸ்ட் இண்டீஸ் அணி: ரோவ்மன் பாவெல் (கேப்டன்), அல்ஸாரி ஜோசப், ஜான்சன் சார்லஸ், ரோஸ்டன் சேஸ், ஷிம்ரான் ஹெட்மையர், ஜேசன் ஹோல்டர், ஷாய் ஹோப், அகீல் ஹொசைன், ஷமார் ஜோசப், பிராண்டன் கிங், குடாகேஷ் மோட்டி, நிக்கோலஸ் பூரன், ஆண்ட்ரே ரஸல், ஷெர்ஃபேன் ரூதர்ஃபோர்ட், ரொமாரியோ ஷெப்ஃபர்ட்.
Win Big, Make Your Cricket Tales Now
