ஆல் டைம் டி20ஐ லெவனை தேர்வு செய்த ஷம்ஸி; ரோஹித்திற்கு இடமில்லை!

தனது ஆல் டைம் சர்வதேச டி20 அணியை அறிவித்துள்ள தப்ரைஸ் ஷம்ஸி, தனது அணியின் கேப்டனாக மகேந்திர சிங் தோனியைத் தேர்ந்தெடுத்துள்ளார்.

ஆல் டைம் டி20ஐ லெவனை தேர்வு செய்த ஷம்ஸி; ரோஹித்திற்கு இடமில்லை! (Image Source: Google)

Tabraiz Shamsi All Time T20I XI: தென் ஆப்பிரிக்க அணியின் சுழற்பந்து வீச்சாளர் தப்ரைஸ் ஷம்சி தனது ஆல் டைம் சர்வதேச டி20 லெவன் அணியை தேர்வு செய்து அறிவித்துள்ளார்.

தென் ஆப்பிரிக்க அணியின் நட்சத்திர சுழற்பந்து வீச்சாளர்களில் ஒருவர் தப்ரைஸ் ஷம்ஸி. அவர் தென் ஆப்பிரிக்க அணிக்காக கடந்த 2016ஆம் ஆண்டு அறிமுகமான நிலையில் 2 டெஸ்ட், 55 ஒருநாள் மற்றும் 70 டி20 போட்டிகளிலும் விளையாடியுள்ளார். இதில் அவர் டெஸ்டில் 6 விக்கெட்டுகளையும், ஒருநாள் கிரிக்கெட்டில் 73 விக்கெட்டுகளையும், டி20 கிரிக்கெட்டில் 89 விக்கெட்டுகளையும் கைப்பற்றியுள்ளார். 

இந்த நிலையில் ஷம்ஸி சமீபத்தில் தனது ஆல் டைம் சர்வதேச டி20 லெவன் அணியை அறிவித்துள்ளர். அவர் தேர்வு செய்துள்ள இந்த அணியில் தொடக்க வீரர்களாக வெஸ்ட் இண்டீஸின் கிறிஸ் கெயிலும், தென் ஆப்பிரிக்காவின் குயின்டன் டி காக்கையும் தேர்வு செய்துள்ளார். இதில் கெயில் டி20 கிரிக்கெட்டில் 14,562 ரன்களைச் சேர்த்து அதிக ரன்களை எடுத்த வீரராகவும், டி காக் சர்வதேச கிரிக்கெட்டில் 2,564 ரன்களையும் எடுத்துள்ளார். 

இருப்பினும் அவர் தனது அணியில் இந்திய அணியின் முன்னாள் வீரர் ரோஹித் சர்மாவை தேர்வு செய்யவில்லை. சர்வதேச டி20 கிரிக்கெட்டில் அதிக ரோஹித் சர்மா இந்தியாவுக்காக 159 போட்டிகளில் 5 சதங்கள் மற்றும் 32 அரைசதங்கள் அடித்து 4,231 ரன்களைச் சேர்த்து அதிக ரன்களை அடித்த வீரர்கள் பட்டியலில் முதலிடத்தில் உள்ளார். அப்படி இருந்தும் ஷம்ஸி அவருக்கு வாய்ப்பு வழங்காதது பலரையும் ஆச்சரியத்தில் ஆழ்த்தியுள்ளது. 

இதன் பிறகு, தப்ரெஸ் ஷம்சி தனது அணியில் மூன்றாவது இடத்திற்கு இந்தியாவின் புகழ்பெற்ற கிரிக்கெட் வீரர் விராட் கோலியையும், நான்காவது மற்றும் ஐந்தாவது இடத்தில் தென் ஆப்பிரிக்காவின் ஏபி டிவில்லியர்ஸ் மற்றும் ஃபாஃப் டு பிளெசிஸையும் தேர்வு செய்தார். அதன்பின் அவர் தனது அணியின் விக்கெட் கீப்பராக மகேந்திர சிங் தோனியை தேர்வு செய்ததுடன், அவரை அணியின் கேப்டனாகவும் நியாமித்துள்ளார்.

மேற்கொண்டு அணியின் ஆல் ரவுண்டர்களாக வெஸ்ட் இண்டீஸின் ஆண்ட்ரே ரஸலை தேர்ந்தெடுத்துள்ளார். அதேசமயம் அணியின் சுழற்பந்து வீச்சாளர்களாக ஆஃப்கானிஸ்தானின் ரஷித் கானையும், தென் ஆப்பிரிக்காவின் இம்ரான் தாஹிரையும் தேர்ந்தெடுத்துள்ளார். மேலும் அவரது அணியின் வேகப்பந்து வீச்சாளர்களாக இந்திய அணியின் ஜஸ்பிரித் பும்ராவையும், ஆஸ்திரேலியாவின் மிட்செல் ஸ்டார்கையும் தேர்வு செய்துள்ளார்.

தப்ரைஸ் ஷம் தேர்வு செய்த ஆல் டைம் டி20 லெவன்: கிறிஸ் கெய்ல், குயின்டன் டி காக், விராட் கோலி, ஏபி டிவில்லியர்ஸ், ஃபாஃப் டு பிளெசிஸ், மகேந்திர சிங் தோனி (கேப்டன் மற்றும் விக்கெட் கீப்பர்), ஆண்ட்ரே ரஸ்ஸல், ரஷீத் கான், இம்ரான் தாஹிர், ஜஸ்பிரித் பும்ரா மற்றும் மிட்செல் ஸ்டார்க்.