நாங்கள் கம்பேக் கொடுக்க இது ஒரு சிறந்த வாய்ப்பு - நசீம் ஷா!

சர்வதேச கிரிக்கெட்டில் எங்களது கம்பேக் சிறப்பாக இல்லை, நாங்கள் நல்ல கிரிக்கெட்டை விளையாடவில்லை என்பதை மறுக்க முடியாது என பாகிஸ்தான் வேகப்பந்து வீச்சாளர் நசீம் ஷா தெரிவித்துள்ளார்.

நாங்கள் கம்பேக் கொடுக்க இது ஒரு சிறந்த வாய்ப்பு - நசீம் ஷா! (Image Source: Google)

வங்கதேச அணி பாகிஸ்தானில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடவுள்ளது. இவ்விரு அணிகளுக்கும் இடையேயான இத்தொடரானது ஆகஸ்ட் 21ஆம் தேதி தொடர் செப்டம்பர் 03ஆம் தேதி வரை நடைபெறவுள்ளது. அதன்படி இவ்விரு அணிகளுக்கும் இடையேயான முதல் டெஸ்ட் போட்டி ஆகஸ்ட் 21ஆம் தேதி ராவல்பிண்டியிலும், இரண்டாவது டெஸ்ட் போட்டி ஆகஸ்ட் 30ஆம் தேதி கராச்சியிலும் நடைபெறவுள்ளது. 

இந்நிலையில் இத்தொடருக்கான 17 பேர் அடங்கிய பாகிஸ்தான் டெஸ்ட் அணியை அந்நாட்டு கிரிக்கெட் வாரியம் சமீபத்தில் அறிவித்தது. அதன்படி அணியில் கேப்டனாக ஷான் மசூத் தொடரும் நிலையில், அணியின் புதிய துணைக்கேப்டனாக சௌத் சகீல் நியமிக்கப்பட்டுள்ளார். இத்தொடருக்கான பாகிஸ்தான் அணியில் இருந்து அணியின் தொடக்க வீரர் இமாம் உல் ஹக் நீக்கப்பட்டுள்ளார். அதேசமயம் வேகப்பந்து வீச்சாளர் நசீம் ஷா மீண்டும் டெஸ்ட் அணிக்கு திரும்பியுள்ளார். 

முன்னதாக பாகிஸ்தான் அணியானது கடந்த ஆண்டு முதல் மூன்று வடிவங்களிலும் சிறப்பாக செயல்படத் தவறிவிட்டது. இதனால் அந்த அணி கடுமையாக விமர்சிக்கப்பட்டு வருகிறது. இப்போது இந்த விஷயத்தில், பாகிஸ்தான் வேகப்பந்து வீச்சாளர் நசீம் ஷா, மூன்று வடிவங்களிலும் பாகிஸ்தானின் மோசமான ஆட்டத்தை வெளிப்படுத்தி வந்தாலும், வரும் போட்டிகளில் தங்கள் அணி மேம்படும் என்று கூறியுள்ளார். 

இதுகுறித்து பேசிய நசீம் ஷா, “சர்வதேச கிரிக்கெட்டில் எங்களது கம்பேக் சிறப்பாக இல்லை, நாங்கள் நல்ல கிரிக்கெட்டை விளையாடவில்லை என்பதை மறுக்க முடியாது. விமர்சனம் அதன் ஒரு பகுதியாகும், அதனால் விஷயங்கள் மேம்படும் வரை நாம் அதனை எதிர்கொண்டுதான் ஆக வேண்டும். அனால் நாங்கள் சிறப்பாக செயல்படவும், எங்கள் அணியை வலிமையாக காட்டவும் இது எங்களுக்கு ஒரு நல்ல வாய்ப்பு. அதனை தான் நான் எதிர்பார்க்கிறேன்.

நான் எனது காயம் காரணமாக பதின்மூன்று மாதங்களாக டெஸ்ட் கிரிக்கெட்டில் விளையாடவில்லை; நீண்ட நாட்களுக்கு பிறகு விளையாடுவது எளிதல்ல. சர்வதேச கிரிக்கெட்டிற்கு அதன் சொந்த அழுத்தம் உள்ளது; இருப்பினும், அதற்காக நாங்கள் கடுமையாக பயிற்சி எடுத்து வருகிறோம். காயத்தில் இருந்து திரும்பிய பிறகு, பந்து வீச்சுகளின் சுமையை படிப்படியாக அதிகரித்து வருகிறேன்” என்று தெரிவித்துள்ளார். 

பாகிஸ்தான் அணி: ஷான் மசூத் (கே), சவுத் ஷகீல், அமீர் ஜமால் (உடற்தகுதிக்கு உட்பட்டு), அப்துல்லா ஷபீக், அப்ரார் அகமது, பாபர் ஆசாம், காம்ரன் குலாம், குர்ரம் ஷாஜாத், மிர் ஹம்சா, முகமது அலி, முகமது ஹுரைரா, முகமது ரிஸ்வான், நசீம் ஷா, சைம் அயூப், சல்மான் அலி ஆகா, சர்ஃபராஸ் அகமது, ஷாஹீன் அஃப்ரிடி

Win Big, Make Your Cricket Tales Now