WI vs IND: சாதனையை நோக்கி விராட் கோலி, ரோஹித் சர்மா!

வெஸ்ட் இண்டீஸ் அணிக்கு எதிரான முதலாவது ஒருநாள் போட்டியில் இந்திய அணியின் கேப்டன் ரோஹித் சர்மா மற்றும் விராட் கோலி புதிய மைல்கல்லை எட்ட வாய்ப்புள்ளது.

WI vs IND: சாதனையை நோக்கி விராட் கோலி, ரோஹித் சர்மா! (Image Source: Google)

வெஸ்ட் இண்டீஸில் சுற்றுப்பயணம் மேற்கொண்டுள்ள இந்திய அணி இரண்டு போட்டிகள் கொண்ட டெஸ்ட் தொடரை 1-0 என்ற கணக்கில் கைப்பற்றியது. இதையடுத்து இரு அணிகளுக்கும் இடையேயான  3 ஒருநாள் போட்டிகள் கொண்ட தொடர் இன்று முதல் தொடங்கவுள்ளது.

இதில் இரு அணிகளுக்கும் இடையேயான முதலாவது ஒருநாள் போட்டி இன்று பார்போடாஸில் தொடங்குகிறது. இன்று நடைபெறும் முதல் போட்டியில் விராட் கோலி 102 ரன்கள் எடுக்கும் பட்சத்தில் ஒரு நாள் போட்டிகளில் அவர் 13,000 ரன்களை கடந்த 4-வது வீரர் என்ற பெருமையை பெறுவார்.

இதுவரை 274 ஒருநாள் போட்டிகளில் விளையாடிவுள்ள கோலி, 57.32 சராசரியுடன் 46 சதங்கள், 65 அரைசதங்களை அடித்து 12,898 ரன்களைச் சேர்த்துள்ளார். முன்னதாக சச்சின் டெண்டுல்கர், குமார் சங்ககரா மற்று ரிக்கி பண்டிங் ஆகியோர் 13,000 ரன்களை கடந்துள்ளனர்.

அதேபோல், இந்திய அணியின் கேப்டன் ரோஹித் 175 ரன்கள் எடுக்கும் பட்சத்தில் ஒருநாள் கிரிக்கெட்டில் 10,000 ரன்களை எட்டுவார். இவர் 243 ஒருநாள் போட்டிகளில் 30 சதங்கள், 48 அரைசதங்கள் அடித்துள்ளார். வெஸ்ட் இண்டீஸுக்கு எதிரான ஒருநாள் தொடரிலேயே இருவரும் புதிய மைல்கல்லை எட்ட அதிக வாய்ப்புள்ளது.

அதேபோல் விராட் கோலி மற்றும் ரோஹித் சர்மா இருவரும் இணைந்து பார்ட்னர்ஷிப் முறையில் 2 ரன்களைச் சேர்க்கும் வகையில், சர்வதேச ஒருநாள் கிரிக்கெட்டில் 5000 ரன்களை பார்ட்னர்ஷிப் முறையில் சேர்த்த ஜோடி என்ற சாதனையையும் படைக்கவுள்ளனர். 

இதுவரை இருவரும் இணைந்து 85 இன்னிங்ஸ்களில் 4,998 ரன்களைக் குவித்துள்ளனர். இதில் அதிகபட்ச பார்டனர்ஷிப்பாக 246 ரன்களைச் சேர்த்துள்ளனர். மேலும் இதில் 15 அரைசதங்களும், 18 சதங்களையும் பார்ட்னர்ஷிப் முறையில் பதிவுய்செய்துள்ளது குறிப்பிடத்தக்கது.