நடப்பாண்டு சர்வதேச கிரிக்கெட்டில் அதிக சராசரியுடன் முதலிடம் பிடித்த விராட் கோலி

நடப்பாண்டில் நடைபெற்ற சர்வதேச கிரிக்கெட் போட்டிகளில் அதிக சதங்களை விளாசிய வீரர் என்ற பெருமையை இந்திய அணியின் நட்சத்திர வீரர் விராட் கோலி பெற்றுள்ளார்.

நடப்பாண்டு சர்வதேச கிரிக்கெட்டில் அதிக சராசரியுடன் முதலிடம் பிடித்த விராட் கோலி (Image Source: Google)

நடப்பாண்டில் இந்திய அணியின் நட்சத்திர வீரர் விராட் கோலி பல்வேறு சாதனைகளை படைத்தார். குறிப்பாக ஒருநாள் கிரிக்கெட்டில் சச்சின் டெண்டுல்கரை விடவும் அதிக சதங்களை விளாசிய வீரர் என்ற சாதனையை விராட் கோலி படைத்தார். அதேபோல் சர்வதேச ஒருநாள் கிரிக்கெட்டில் 50 சதங்களை விளாசிய முதல் வீரர் என்ற சாதனையையும் விராட் கோலி படைத்தார்.

அந்த வகையில் கடந்த 2 ஆண்டுகளை விட இந்தாண்டு ஒப்பிடும் போது, விராட் கோலி மிகச்சிறந்த ஆண்டாக அமைந்துள்ளது. 2023இல் மட்டும் விராட் கோலி 2048 ரன்களை விளாசி இருக்கிறார். இதன் மூலம் 7ஆவது முறையாக ஒரே ஆண்டில் 2 ஆயிரம் ரன்களை விளாசிய வீரர் என்ற புதிய வரலாற்றை உருவாக்கினார். ஒருநாள் கிரிக்கெட் பேட்டிங் சராசரி 72.47ஆகவும், டெஸ்ட் கிரிக்கெட்டில் 55.91ஆகவும், டி20 கிரிக்கெட்டில் 53.60ஆகவும் உள்ளது.

இதன்மூலம் நடப்பாண்டில் அதிக பேட்டிங் சராசரி கொண்ட வீரராகவும் விராட் கோலி சாதித்துள்ளது. இவருக்கு அடுத்து பாகிஸ்தான் அணியின் முன்னாள் கேப்டன் பாபர் ஆசாம் 62.47 சராசரியுடன் 1,312 ரன்களுடன் இரண்டாம் இடத்திலும், நியூசிலாந்து அணியின் கேப்டன் கேன் வில்லியம்சன் 61.94 என்ற சராசரியுடன் 1,115 ரன்காளை எடுத்து மூன்றாம் இடத்தையும் பிடித்துள்ளனர்.

அதுமட்டுமல்லாமல் ஷுப்மன் கில் மற்றும் விராட் கோலி இடையே மறைமுக போட்டி நடப்பாண்டில் நடைபெற்றது. அதில் இந்திய அணிக்காக ஒரே ஆண்டில் யார் அதிக சதங்களை விளாசுகிறார்கள் என்ற போட்டி இருந்தது. அதில் இந்திய அணிக்காக ஷுப்மன் கில் 52 இன்னிங்ஸ்களில் களமிறங்கி 7 சதங்களையும், விராட் கோலி 36 இன்னிங்ஸ்களில் களமிறங்கி 8 சதங்களையும் விளாசி இருப்பது தெரிய வந்துள்ளது.

 

Virat Kohli Finishes 2023 With An Average Of Over 66! #Cricket #India #TeamIndia #WorldCup #ViratKohli #Rizwan #KaneWilliamson pic.twitter.com/RobTURfjYw

— CRICKETNMORE (@cricketnmore) December 30, 2023

இரண்டரை ஆண்டுகளாக சதமே விளாச முடியாமல் தவித்து வந்த விராட் கோலி, ஒரே ஆண்டில் 8 சதங்களை விளாசி தள்ளியுள்ளார். அந்த வகையில் ஒருநாள் கிரிக்கெட்டில் மட்டும் 6 சதங்களையும், டெஸ்ட் கிரிக்கெட்டில் 2 சதங்களையும் விளாசியுள்ளார். டெஸ்ட் கிரிக்கெட்டில் ஆஸ்திரேலியா மற்றும் வெஸ்ட் இண்டீஸ் அணிகளுக்கு எதிராக சதம் அடிக்கப்பட்டது.

அதேபோல் ஐபிஎல் தொடரிலும் விராட் கோலி 2 சதங்களை விளாசியுள்ளார். இதன் காரணமாக மீண்டும் சர்வதேச கிரிக்கெட்டில் உச்சத்தில் இருக்கும் வீரர் என்ற அந்தஸ்தை விராட் கோலி எட்டியுள்ளார். மேலும் டெஸ்ட் கிரிக்கெட்டில் விராட் கோலி அபாரமான ஃபார்மில் இருப்பதால், மீண்டும் அவர் கைகளில் கேப்டன்சியை கொடுக்க வாய்ப்புள்ளதக பார்க்கப்படுகிறது.

Win Big, Make Your Cricket Tales Now