சர்வதேச ஒருநாள் கிரிக்கெட்டில் வரலாறு படைக்க காத்திருக்கும் விராட் கோலி!
இங்கிலாந்து அணிக்கு எதிரான ஒருநாள் தொடரின் மூலம் இந்திய அணியின் நட்சத்திர வீரர் விராட் கோலி சிறப்பு சாதனை படைக்கும் வாய்ப்பை பெற்றுள்ளார்.
1-mdl.jpg "Virat Kohli need 96 run ton complete 14000 runs in odi cricket")
இந்தியா-இங்கிலாந்து அணிகளுக்கு இடையேயான மூன்று போட்டிகள் கொண்ட ஒருநாள் தொடர் பிப்ரவரி 06ஆம் தேதி முதல் நடைபெறவுள்ளது. அதன்படி இவ்விரு அணிகளுக்கும் இடையேயான முதல் ஒருநாள் போட்டி நாளை மறுநாள் நாக்பூரில் உள்ள விதர்பா கிரிக்கெட் சங்க மைதானத்தில் நடைபெறவுள்ளது. இதையடுத்து இப்போட்டிக்காக இரு அணி வீரர்களும் தீவிரமாக தயாராகி வருகின்றனர்.
இந்நிலையில் இங்கிலாந்து அணிக்கு எதிரான ஒருநாள் தொடரின் மூலம் இந்திய அணியின் நட்சத்திர வீரர் விராட் கோலி சிறப்பு சாதனை படைக்கும் வாய்ப்பை பெற்றுள்ளார். அதன்படி இத்தொடரில் விராட் கோலி மேற்கொண்டு 94 ரன்களைச் சேர்க்கும் பட்சத்தில் சர்வதேச ஒருநாள் கிரிக்கெட்டில் 14000 ரன்களை பூர்த்தி செய்வதுடன், கிரிக்கெட் வரலாற்றில் இந்த மைல் கல்லை அதிவேகமாக எட்டிய வீரர் எனும் சச்சின் டெண்டுல்கரின் சாதனையை முறியடிக்கவுள்ளார்.
Trending
முன்னதாக இந்திய அணியின் முன்னாள் ஜாம்பவான் சச்சின் டெண்டுல்கர் தனது 350ஆவது இன்னிங்ஸில் 14000 ரன்களை எடுத்ததே இதுநாள் வரை சாதனையாக உள்ளது. அதேசமயம் விராட் கோலி இதுவரை 283 இன்னிங்களில் 58.18 என்ற சராசரிவுடன், 93.54 ஸ்ட்ரைக் ரேட்டுடனும் 13,906 ரன்கள் எடுத்துள்ளார். இதில் அவர் 50 சதங்கள் மற்றும் 72 அரைசதங்களை அடித்துள்ளார் என்பது குறிப்பிடத்தக்கது.
மேற்கொண்டு சர்வதேச ஒருநாள் கிரிக்கெட்டை பொறுத்தவரை இரண்டு இரண்டு வீரர்கள் மட்டுமே 14,000 அல்லது அதற்கு மேற்பட்ட ரன்களை எடுத்துள்ளனர். அந்தவையில் இந்திய அணியின் முன்னாள் ஜாம்பவான் சச்சின் டெண்டுல்கர் 452 இன்னிங்ஸ்களில் 49 சதம், 96 அரைசதங்களுடன் 18426 ரன்களுடன் முதலிடத்திலும், இலங்கை அணியின் குமார் சங்கக்காரா 380 இன்னிங்ஸ்களில் 14,234 ரன்களுடன் இரண்டாம் இடத்திலும் உள்ளது குறிப்பிடத்தக்கது.
இது தவிர, இத்தொடரில் விராட் கோலி ஒரு சதம் அடித்தால், சர்வதேச கிரிக்கெட்டில் ஒரு வடிவத்தில் அதிக சதங்கள் அடித்த வீரர் என்ற சாதனையை சமன்செய்வார். முன்னதாக இந்திய அணியின் சச்சின் டெண்டுல்கர் சர்வதேச டெஸ்ட் கிரிக்கெட்டில் 51 சதங்களை அடித்துள்ள நிலையில், விராட் கோலி ஒருநாள் கிரிக்கெட்டில் 50 சதங்களை அடித்துள்ளார். ஆனால் தற்சமயம் விராட் கோலி மோசமான ஃபார்மில் இருப்பதால் இந்த சாதனையை அவர் படைப்பாரா என்ற கேள்வி எழுந்துள்ளது.
Also Read: Funding To Save Test Cricket
இங்கிலாந்து ஒருநாள் தொடருக்கான இந்திய அணி: ரோஹித் சர்மா, ஷுப்மன் கில், விராட் கோலி, ஸ்ரேயாஸ் ஐயர், கேஎல் ராகுல், ஹார்திக் பாண்டியா, அக்ஸர் படேல், வாஷிங்டன் சுந்தர், குல்தீப் யாதவ், ஹர்ஷித் ராணா, ஜஸ்பிரித் பும்ரா, முகமது ஷமி, அர்ஷ்தீப் சிங், யஷஸ்வி ஜெய்ஸ்வால், ரிஷப் பந்த், ரவீந்திர ஜடேஜா
Win Big, Make Your Cricket Tales Now
