IND vs ENG: ஒட்டுமொத்த டெஸ்ட் தொடரில் இருந்து விலகும் விராட் கோலி?

இந்தியா - இங்கிலாந்து அணிகளுக்கு இடையேயான டெஸ்ட் தொடரிலிருந்து இந்திய வீரர் விராட் கோலி முற்றிலுமாக விலகவுள்ளதாக தகவல் வெளியாகியுள்ளது.

IND vs ENG: ஒட்டுமொத்த டெஸ்ட் தொடரில் இருந்து விலகும் விராட் கோலி? (Image Source: Google)

இந்தியா - இங்கிலாந்து அணிகளுக்கு இடையேயான 5 போட்டிகள் கொண்ட டெஸ்ட் தொடர் கடந்த மாதம் தொடங்கியது. இத்தொடரின் முதல் இரண்டு போட்டிகளின் முடிவில் முதல் போட்டியில் இங்கிலாந்து அணியும், இரண்டாவது போட்டியில் இந்திய அணியும் வெற்றிபெற்று, 1-1 என்ற கணக்கில் தொடரை சமன்செய்துள்ளனர். இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டி பிப்ரவரி 15ஆம் தேதி ராஜ்கோட்டில் நடைபெறவுள்ளது. 

இந்நிலையில் இங்கிலாந்து அணிக்கெதிரான கடைசி மூன்று போட்டிகளில் விளையாடும் இந்திய அணி ஒருசில தினங்களில் அறிவிக்கப்படும் என எதிர்பார்க்கப்படுகிறது. மேலும் முதலிரண்டு போட்டிகளில் தனிப்பட்ட காரணங்களால் நட்சத்திர வீரர் விராட் கோலி விலகியிருந்தார். இதையடுத்து அவர் மூன்றாவது டெஸ்ட் போட்டிக்கான இந்திய அணியில் இடம்பிடிப்பார் என பெரிதும் எதிர்பார்க்கப்பட்டது. 

இந்நிலையில் இங்கிலாந்து அணிக்கெதிரான மீதமுள்ள டெஸ்ட் போட்டிகளிலிருந்தும் விராட் கோலி விலகியுள்ளதாக தகவல் வெளியாகியுள்ளது. மேலும் இதுகுறித்து வெளியான தகவலின்படி மூன்றாவது மற்றும் நான்காவது டெஸ்ட் போட்டியில் விராட் கோலி விளையாடுவதற்கு வாய்ப்பில்லை என்றும், தொடரின் கடைசி டெஸ்ட் போட்டியிலும் விராட் கோலி விளையாடுவது சந்தேகம் தான் என்றும் கூறப்படுகிறது.

 

Virat Kohli is likely to miss the next two tests as well!#INDvENG #India #England #TeamIndia #CricketTwitter #ViratKohli pic.twitter.com/IT7BjRFx9b

— CRICKETNMORE (@cricketnmore) February 7, 2024

ஏற்கெனவே விராட் கோலி இல்லாமல் முதலிரண்டு டெஸ்ட் போட்டிகளில் இந்திய அணியின் பேட்டிங் ஏமாற்றத்தை கொடுத்துள்ள நிலையில், தற்போது தொடரின் அனைத்து போட்டிகளிலிருந்து விராட் கோலி விலகவுள்ளதாக வெளியான தகவல் இந்திய அணிக்கு பெரும் பின்னடைவை ஏற்படுத்தியுள்ளது. அதேசமயம் மூன்றாவது டெஸ்ட் போட்டியில் காயத்திலிருந்து மீண்டுள்ள கேஎல் ராகுல் இடம்பெறுவது உறுதியகியுள்ளது. 

இதுதவிர சர்ஃப்ராஸ் கான், ராஜத் பட்டிதார் ஆகியோரும் இந்திய அணியில் மீண்டும் சேர்க்கப்படுவதற்கான வாய்ப்புகளும் அதிகரித்துள்ளனர். இருப்பினும் பணிச்சுமை காரணமாக ஜஸ்ப்ரித் பும்ரா மூன்றாவது டெஸ்ட் போட்டியில் விளையாடமாட்டார் என்ற தகவலும் வெளியாகியிருப்பது குறிப்பிடத்தக்கது. 

Win Big, Make Your Cricket Tales Now