யஷஸ்வி ஜெய்ஸ்வால் பேட்டை உடைத்த கிறிஸ் வோக்ஸ் - காணொளி
இங்கிலாந்துக்கு எதிரான நான்காவது டெஸ்ட் போட்டியில் யஷஸ்வி ஜெய்ஸ்வாலின் பேட் உடைந்த காணொளி வைரலாகி வருகிறது.
இங்கிலாந்து - இந்தியா அணிகளுக்கு இடையேயான நான்காவது டெஸ்ட் போட்டி மான்செஸ்டரில் நடைபெற்று வருகிறது. இப்போட்டியில் டாஸை இழந்து முதலில் பேட்டிங் செய்த இந்திய அணிக்கு கேஎல் ராகுல் - யஷஸ்வி ஜெய்ஸ்வால் இணை தொடக்கம் கொடுத்தர். இதில் இருவரும் இணைந்து 94 ரன்கள் பார்ட்னர்ஷிப் அமைத்திருந்த நிலையில் கேஎல் ராகுல் 46 ரன்களில் ஆட்டமிழந்தார். அதேசமயம் மற்றொரு தொடக்க வீரர் யஷஸ்வி ஜெய்ஸ்வால் தனது அரைசதத்தைப் பதிவுசெய்தார்.
பின் 58 ரன்களில் யஷஸ்வி ஜெய்ஸ்வாலும், அடுத்து களமிறங்கிய கேப்டன் ஷுப்மன் கில் 12 ரன்னிலும் என விக்கெட்டுகளை இழந்தனர். இதனால் இந்திய அணி முதல்நாள் தேநீர் இடைவேளையின் போது 3 விக்கெட்டுகள் இழப்பிற்கு 149 ரன்களைச் சேர்த்துள்ளது. இதில் சாய் சுதர்ஷன் 26 ரன்களுடனும், ரிஷப் பந்த் 3 ரன்களுடனும் களத்தில் உள்ளனர். இங்கிலாந்து தரப்பில் வோக்ஸ், டௌசன் மற்றும் ஸ்டோக்ஸ் தலா ஒரு விக்கெட்டை கைப்பற்றியுள்ளனர்.
இந்நிலையில் இப்போட்டியில் யாஷஸ்வி ஜெய்ஸ்வால் பயன்படுத்திய பேட் உடைந்த சம்பவம் குறித்த காணொளி வைரலாகி வருகிறது. அதன்படி இன்னிங்ஸின் 9ஆவது ஓவரை இங்கிலாந்து வேகப்பந்து வீச்சாளர் கிறிஸ் வோக்ஸ் வீசிய நிலையில் அந்த ஓவரின் 5ஆவது பந்தை எதிர்கொண்ட யஷஸ்வி ஜெய்ஸ்வால் தடுத்து விளையாடும் முயற்சியில் பந்த தடுத்தார். அப்போது அந்த பந்து பேட்டின் மெல் பகுதியை தாக்கிய நிலையில் ஜெய்ஸ்வாலின் பேட் உடைந்தது.
இதனால் அதிர்ச்சியும் ஏமாற்றமத்தையும் சந்தித்த யஷஸ்வி ஜெய்ஸ்வால் அதன்பின் வேறொரு பேட்டில் தனது இன்னிங்ஸைத் தொடர்ந்ததுடன் அரைசதம் கடந்தும் அசத்தினார். அதன்பின் இப்போட்டியில் 10 பவுண்டரி, ஒரு சிக்ஸர் என 58 ரன்களைச் சேர்த்த நிலையில் தனது விக்கெட்டை இழந்தார். இந்நிலையில் யஷஸ்வி ஜெய்ஸ்வாலின் பேட் உடைந்த காணொளியானது இணையத்தில் வைரலாகி வருகிறது.
Broken bat? No problem... time to break records with the new one #SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/mtLTQec4tb
— Sony Sports Network (@SonySportsNetwk) July 23, 2025
இங்கிலாந்து பிளேயிங் லெவன்: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி ப்ரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டௌசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர்.
Also Read: LIVE Cricket Score
இந்தியா பிளேயிங் லெவன்: கேஎல் ராகுல், யஷஸ்வி ஜெய்ஸ்வால், சாய் சுதர்ஷன், ஷுப்மன் கில்(கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், ஷர்துல் தாக்கூர். ஜஸ்பிரித் பும்ரா, அன்ஷுல் கம்போஜ், முகமது சிராஜ்.
Win Big, Make Your Cricket Tales Now
