ஐசிசி டி20 தரவரிசை: ரோஸ்டன் சேஸ், கேமரூன் க்ரீன் முன்னேற்றம்!
ஐசிசி டி20 வீரர்களுக்கான தரவரிசைப் பட்டியலில் வெஸ்ட் இண்டீஸ், ஆஸ்திரேலியா மற்றும் வங்கதேச அணி வீரர்கள் முன்னேற்றம் கண்டுள்ளனர்.
இதில் பேட்டர்களுக்கான தரவரிசையில் ஆஸ்திரேலியாவின் டிராவிஸ் ஹெட் தொடர்ந்து முதலிடத்திலும், இந்திய அணியின் அபிஷேக் சர்மா மற்றும் திலக் வர்மா ஆகியோர் இரண்டு மற்றும் மூன்றாம் இடங்களையும் தக்கவைத்துள்ளனர். இதுதவிர்த்து இந்திய அணியின் கேப்டன் சூர்யகுமார் யாதவ் 6ஆம் இடத்தில் தொடரும் நிலையில், யஷஸ்வி ஜெய்ஸ்வால் ஒரு இடம் முன்னேறி 9ஆம் இடத்தைப் பிடித்துள்ளார் என்பது குறிப்பிடத்தக்கது.
அதேசமயம் ஆஸ்திரேலிய டி20 தொடரில் சிறப்பாக செயல்பட்டு வரும் வெஸ்ட் இண்டீஸ் கேப்டன் ஷாய் ஹோப் 4 இடங்கள் முன்னேறி 10ஆம் இடத்தைப் பிடித்துள்ளார். மேலும் ஜோஷ் இங்கிலிஸ் ஒரு இடம் முன்னேறி 15ஆவது இடத்தையும், ஆஃப்கனிஸ்தானின் ரஹ்மனுல்லா குர்பாஸ் 18ஆவது இடத்தையும் பிடித்துள்ளனர். இதுதவிர்த்து வெஸ்ட் இண்டீஸின் பிராண்டன் கிங் 4 இடங்கள் முன்னேறி 30ஆவது இடத்தையும், சஞ்சு சம்சன் 3 இடங்கள் முன்னேறி 32ஆவது இடத்தையும் பிடித்துள்ளனர்.
மேற்கொண்டு இலங்கை, பாகிஸ்தான் டி20 தொடர்களில் சிறப்பாக செயல்பட்டு வரும் வங்கதேச அணியின் தன்ஸித் ஹசன் 18 இடங்களும், ஜக்கர் அலி 17 இடங்களும், பர்வேஸ் ஹொசைன் எமான் 22 இடங்களும் முன்னேறியுள்ளனர். அதேபோல் ஆஸ்திரேலிய அணியின் கேமரூன் க்ரீன் 34 இடங்கள் முன்னேரி 88ஆவது இடத்தையும், வெஸ்ட் இண்டீஸின் ரோஸ்டன் சேஸ் 37 இடங்கள் முன்னேறி 98ஆவது இடத்தையும் பிடித்துள்ள்னார்.
டி20 பந்துவீச்சாளர்களுக்கான தரவரிசையில் நியூசிலாந்தின் ஜேக்கப் டஃபி முதலிடத்திலும், இங்கிலாந்தின் அதில் ரஷித் இரண்டாம் இடத்திலும், இந்திய அணியின் வருண் சக்ரவர்த்தி மூன்றாம் இடத்திலும் தொடர்கின்றனர். இந்த பட்டியலில் வங்கதேச அணியின் முஸ்தஃபிசூர் ரஹ்மான் 17 இடங்கள் முன்னேறியும், இந்திய அணியின் அர்ஷ்தீப் சின் ஒரு இடம் முன்னேறியும் 9ஆம் இடத்தைப் பகிர்ந்துள்ளனர்.
மேலும் இலங்கையின் நுவான் துஷாரா 3 இடங்கள் முன்னேறி 13ஆவது இடத்தையும், வங்கதேசத்தின் மெஹதி ஹசன் 9 இடங்கள் முன்னேறி 16ஆவது இடத்தையும், தஸ்கின் அஹ்மத் ஒரு இடம் முன்னேறி 27ஆவது இடத்தையும், நியூசிலாந்தின் மேட் ஹென்றி 13 இடங்கள் முன்னேறி 29ஆவது இடத்தையும், இஷ் சோதி இரண்டு இடங்கள் முன்னேறி 33ஆவது இடத்தையும், வங்கதேசத்தின் தன்ஸிம் ஹசன் 9 இடங்கள் முன்னேறி 37ஆவது இடத்தைப் பிடித்துள்ளார்.
Also Read: LIVE Cricket Score
இதுதவிர்த்து டி20 ஆல் ரவுண்டர்களுக்கான தரவரிசையில் இந்திய அணியின் ஹர்திக் பாண்டியா முதலிடத்தில் உள்ள நிலையில், வெஸ்ட் இண்டீஸின் ரோஸ்டன் சேஸ் 7 இடங்கள் முன்னேறி இரண்டாம் இடத்திற்கு முன்னேறியுள்ளார். இதுதவிர்த்து ஆஸ்திரேலியாவின் கேமரூன் க்ரீன் 8 இடங்களும், வங்கதேசத்தின் மஹெதி ஹசன் 13 இடங்களும், பாகிஸ்தானின் அப்பாஸ் அஃப்ரிடி 26 இடங்களும் முன்னேற்றம் கண்டுள்ளது குறிப்பிடத்தக்கது.
Win Big, Make Your Cricket Tales Now
