1st Test: வெஸ்ட் இண்டீஸ், ஆஸ்திரேலிய பிளேயிங் லெவன் அறிவிப்பு!
வெஸ்ட் இண்டீஸ் - ஆஸ்திரேலிய அணிகளுக்கு இடையேயான முதல் டெஸ்ட் போட்டியில் விளையாடும் இரு அணிகளின் பிளேயிங் லெவனும் இன்றைய தினம் அறிவிக்கப்பட்டுள்ளது.
வெஸ்ட் இண்டீஸில் சுற்றுப்பயணம் மேற்கொண்டுள்ள ஆஸ்திரேலிய அணியானது 3 போட்டிகள் கொண்ட டெஸ்ட் தொடரிலும், 5 போட்டிகள் கொண்ட டி20 தொடரிலும் விளையாடவுள்ளது. இதில் வெஸ்ட் இண்டீஸ் - ஆஸ்திரேலிய அணிகளுக்கு இடையேயான முதல் டெஸ்ட் போட்டி இன்று (ஜூன் 25) பார்படாஸில் உள்ள கென்ஸிங்டன் ஓவல் கிரிக்கெட் மைதானத்தில் நடைபெறவுள்ளது.
இதில் பாட் கம்மின்ஸ் தலைமையிலான ஆஸ்திரேலிய அணி உலக டெஸ்ட் சாம்பியன்ஷிப் இறுதிப்போட்டி தோல்வியைச் சந்தித்த கையோடுயும், வெஸ்ட் இண்டீஸ் அணியும் ரோஸ்டன் சேஸ் தலைமையிலும் இந்த டெஸ்ட் தொடரை எதிர்கொள்ளவுள்ளது. மேலும் இது அடுத்த உலக டெஸ்ட் சாம்பியன்ஷிப் தொடரில் இரு அணிகளுக்கும் முதல் தொடராகவும் அமைந்துள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன.
இந்நிலையில் இப்போட்டியில் விளையாடும் இரு அணிகளின் பிளேயிங் லெவனும் இன்றைய தினம் அறிவிக்கப்பட்டுள்ளது. இதில் பாட் கம்மின்ஸ் தலைமையிலான ஆஸ்திரேலிய அணியில் காயம் காரணமாக ஸ்டீவ் ஸ்மித்தும், மோசமான ஃபார்ம் காரணமாக லபுஷாக்னேவும் அணியில் இருந்து நீக்கப்பட்டுள்ளனர். இதனால் சாம் கொன்ஸ்டாஸ் மற்றும் ஜோஷ் இங்கிலிஸ் ஆகியோருக்கு இப்போட்டிக்கான பிளேயிங் லெவனில் வாய்ப்பு வழங்கப்பட்டுள்ளது.
மறுபக்கம் ரோஸ்டன் சேஸ் தலைமையிலான வெஸ்ட் இண்டீஸ் அணியில் அறிமுக வீரராக இடமிடித்துள்ள வெஸ்ட் இண்டீஸ் ஒருநாள் அணியின் துணைக்கேப்டன் பிராண்டன் கிங்குடன் சேர்த்து, டெஸ்ட் அணியில் கம்பேக் கொடுத்துள்ள ஷாய் ஹோப், ஜான் காம்பெல், ஷமார் ஜோசப் உள்ளிட்டோருக்கும் பிளேயிங் லெவனில் வாய்ப்பு வழங்கப்பட்டுள்ளது. இவர்கள் தவிர்த்து கேசி கார்டி, ஜோமல் வாரிக்கன், அல்ஸாரி ஜோசப் ஆகியோரும் தங்கள் இடங்களைத் தக்கவைத்துள்ளனர்.
வெஸ்ட் இண்டீஸ் பிளேயிங் லெவன்: கிரெய்க் பிராத்வைட், ஜான் கேம்பல், கேசி கார்டி, பிராண்டன் கிங், ரோஸ்டன் சேஸ் (கேப்டன்), ஷாய் ஹோப், ஜஸ்டின் கிரீவ்ஸ், ஜோமல் வாரிக்கன், அல்சாரி ஜோசப், ஷமர் ஜோசப், ஜெய்டன் சீல்ஸ்
Also Read: LIVE Cricket Score
ஆஸ்திரேலியா பிளேயிங் லெவன்: உஸ்மான் கவாஜா, சாம் கோன்ஸ்டாஸ், கேமரூன் கிரீன், ஜோஷ் இங்கிலிஸ், டிராவிஸ் ஹெட், பியூ வெப்ஸ்டர், அலெக்ஸ் கேரி, பாட் கம்மின்ஸ் (கேப்டன்), மிட்செல் ஸ்டார்க், நாதன் லையான், ஜோஷ் ஹேசில்வுட்
Win Big, Make Your Cricket Tales Now
