மகளிர் டி20 உலகக்கோப்பை: தீப்தி சர்மா பந்துவீச்சில் 118 ரன்களில் சுருண்டது விண்டீஸ்!
இந்தியாவுக்கு எதிரான மகளிர் டி20 உலகக்கோப்பை லீக் ஆட்டத்தில் வெஸ்ட் இண்டீஸ் அணி 119 ரன்களை இலக்காக நிர்ணயித்துள்ளது.
அதன்படி கேப்டவுனில் உள்ள நியூலேண்ட்ஸ் கிரிக்கெட் மைதானத்தில் நடைபெற்று வர்ம் இப்போட்டியில் டாஸ் வென்ற வெஸ்ட் இண்டீஸ் அணி முதலில் பேட்டிங் செய்ய தீர்மானித்தது. அதன்படி களமிறங்கிய விண்டீஸ் அணியில் கேப்டன் ஹெலி மேத்யூஸ் 2 ரன்களில் ஆடமிழந்து ஏமாற்றமளித்தார்.
Trending
பின்னர் ஜோடி சேர்ந்த ஸ்டெஃபானி டெய்லர் - காம்பெல்லே இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். பின் 30 ரன்களில் காம்பெல்லே ஆட்டமிழக்க, அரைசதமடிப்பார் என எதிர்பார்க்கப்பட்ட ஸ்டெஃபானி டெய்லர் 42 ரன்களில் ஆட்டமிழந்து அரைசதமடிக்கும் வாய்ப்பை தவறவிட்டார்.
இதையடுத்து வந்த சினெல்லே ஹென்றி 2 ரன்களில் ஆட்டமிழந்தார். பின்னர் களமிறங்கிய ஷபிகா கஜ்னபி 15 ரன்களிலும், அஃபி ஃபிளெட்சர் ரன் ஏதுமின்றியும் விக்கெட்டை இழந்தனர். இதில் இறுதிவரை ஆட்டமிழக்காமல் இருந்த செடியன் நேஷன் 21 ரன்களைச் சேர்த்தார்.
இதன்மூலம் 20 ஓவர்கள் முடிவில் வெஸ்ட் இண்டீஸ் அணி 6 விக்கெட்டுகளை இழந்து 118 ரன்களை மட்டுமே எடுத்தது. இந்திய அணி தரப்பில் தீப்தி சர்மா 3 விக்கெட்டுகளைக் கைப்பற்றினார்.
Win Big, Make Your Cricket Tales Now
