பும்ரா கேப்டனாக பதவியேற்றல் ஆச்சரியப்படப் போவதில்லை - சுனில் கவாஸ்கர்!
வேகப்பந்து வீச்சாளர் ஜஸ்பிரித் பும்ரா எதிர்காலத்தில் இந்திய டெஸ்ட் அணியின் கேப்டனாக பதவியேற்றால் ஆச்சரியப்படப் போவதில்லை என சுனில் கவாஸ்கர் தெரிவித்துள்ளார்.
ஆஸ்திரேலியாவில் நடந்து முடிந்த பார்டர் - கவாஸ்கர் கோப்பை டெஸ்ட் தொடரில் இந்திய அணி 1-3 என்ற கணக்கில் படுதோல்வியடைந்து அதிர்ச்சியளித்தது. இந்த தோல்வியின் மூலம் 10 ஆண்டுகளுக்கு பிறகு பார்டர் கவாஸ்கர் கோப்பையை இழந்துள்ள இந்திய அணி, உலக டெஸ்ட் சாம்பியன்ஷிப் தொடரின் இறுதிப்போட்டிக்கான வாய்ப்பையும் தவறவிட்டுள்ளது.
இந்நிலையில் இத்தொடரில் இந்திய அணியின் பேட்டிங் யூனிட் மீது கடுமையான விமர்சனங்கள் முன் வைகக்ப்பட்டாலும், பந்துவீச்சில் ஜஸ்பிரித் பும்ரா தனது ஆதிக்கத்தை செலுத்தி அசத்தியுள்ளார். குறிப்பாக இத்தொடரில் பும்ரா விளையாடிய 5 போட்டிகளிலும் சேர்த்து 32 விக்கெட்டுகளை கைப்பற்றி அசத்தியதுடன், தொடர்நாயகன் விருதையும் வென்றார். அதிலும் குறிப்பாக சிட்னியில் நடைபெற்ற கடைசி டெஸ்ட்டில் பும்ரா முதுகு வலியால் ஆடுகளத்தை விட்டு வெளியேறினார்.
Trending
அதனால் கடைசி இன்னிங்ஸில் பும்ராவால் பந்துவீச முடியவில்லை. ரோஹித் சர்மா தலைமையில் அனைத்து போட்டிகளும் தோல்வியுற்ற இந்திய அணியின் அடுத்த டெஸ்ட் கேப்டனாக பும்ரா நியமிக்கப்படவுள்ளதாக தகவல்கள் வெளியாகி வருகின்றன. மேலும் இந்த தொடரிலேயே ரோஹித் சர்மா இல்லாத சமயங்களில் ஜஸ்பிரித் பும்ரா அணியின் கேப்டனாக செயல்பட்டதுடன், கேப்டனாக பெர்த் டெஸ்ட் போட்டியில் அபார வெற்றியையும் பதிவுசெய்துள்ளார்.
இந்நிலையில், இந்திய அணியின் முன்னாள் வீரர் சுனில் கவாஸ்கர், வேகப்பந்து வீச்சாளர் ஜஸ்பிரித் பும்ரா எதிர்காலத்தில் இந்திய டெஸ்ட் அணியின் கேப்டனாக பதவியேற்றால் ஆச்சரியப்படப் போவதில்லை என்று தெரிவித்துள்ளார். இதுகுறித்து பேசிய அவர், “என்னைப் பொறுத்தவரையில் இந்திய டெஸ்ட் அணியின் அடுத்த கேப்டனாக ஜஸ்பிரித் பும்ரா இருப்பார். ஏனென்றால் அவர் ஒவ்வொரு போட்டியிலும் முன்னால் இருந்து வழிநடத்துகிறார்.
ஒவ்வொரு போட்டியிலும் எதிரணிக்கு அவர் தலைவலியை ஏற்படுத்தி அவர்களை தொட்ர்ந்து அழுத்ததிலேயே வைத்துள்ளார். சில நேரங்களில் எதிரணிக்கு அதிக அழுத்தம் கொடுக்கும் கேப்டன்கள் உங்களுக்கு தேவை. அதேசமயம் மற்றவர்கள் தங்கள் வேலையைச் சரியாக செய்ய வேண்டும், அவர்கள் ஏன் தேசிய அணியில் இருக்கிறார்கள் என்பதை பும்ரா எதிர்பார்க்கிறார் என்பதை நீங்கள் பார்க்கலாம். ஆனால் அவர் யாருக்கும் அழுத்தம் கொடுப்பதாகத் தெரியவில்லை.
Also Read: Funding To Save Test Cricket
வேகப்பந்து வீச்சாளர்களுடன், அவர் முற்றிலும் புத்திசாலித்தனமாக இருந்தார், மிட்-ஆஃப், மிட்-ஆன், மற்றும் ஒவ்வொரு முறையும் அவர்களிடம் உரையாடுவதற்காக அருகிலேயே இருக்கிறார். அவர் முற்றிலும் புத்திசாலி என்று நான் நினைக்கிறேன், அவர் விரைவில் இந்திய டெஸ்ட் அணியின் கேப்டனாக பொறுப்பேற்றால் நான் நிச்சயம் ஆச்சரியப்பட மாட்டேன்” என்று கூறியுள்ளர்.
Win Big, Make Your Cricket Tales Now
