பாகிஸ்தான் அணி ஆஸ்திரேலியாவில் சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் விளையாடியது. இதில் அபார ஆட்டத்தை வெளிப்படுத்திய ஆஸ்திரேலிய அணி மூன்று போட்டிகளிலும் வெற்றிபெற்று 3-0 என்ற கணக்கில் பாகிஸ்தான் அணியை வைட் வாஷ் செய்து அசத்தியுள்ளது.
இந்நிலையில் உலக டெஸ்ட் சாம்பியஷிப் தொடரின் புள்ளிப்பட்டியலை ஐசிசி வெளியிட்டுள்ளது. இதில் பாகிஸ்தான் அணியை மூன்று போட்டிகளிலும் எளிதாக வீழ்த்திய ஆஸ்திரேலிய அணி புள்ளிப் பட்டியலில் முதல் இடத்தை பெற்றுள்ளது. கடந்த இரு நாட்கள் முன்பு தென் ஆப்பிரிக்காவை வீழ்த்தி முதல் இடத்தில் இருந்த இந்தியா, இரண்டாம் இடத்துக்கு தள்ளப்பட்டு இருக்கிறது.
2023 - 2025 காலகட்டத்திற்கான உலக டெஸ்ட் சாம்பியன்ஷிப் தொடரில் அங்கமாக ஒவ்வொரு அணியும் டெஸ்ட் தொடர்களில் பங்கேற்று வருகின்றன. இதில் இந்தியா இதுவரை வெஸ்ட் இண்டீஸ் மற்றும் தென்னாப்பிரிக்கா அணிகளுடன் மொத்தமாக ஐந்து டெஸ்ட் போட்டிகளில் பங்கேற்று இருக்கிறது. அதன் முடிவில் 2 வெற்றிகள், ஒரு டிரா, ஒரு தோல்வியை சந்தித்து இருக்கிறது.
