ZIM vs AFG: ஒருநாள் தொடரில் இருந்து ரஹ்மனுல்லா குர்பாஸ் விலகல்!

ஜிம்பாப்வே அணிக்கு எதிரான ஒருநாள் தொடரில் இருந்து காயம் காரணமாக ஆஃப்கானிஸ்தான் அணியின் நட்சத்திர வீரர் ரஹ்மனுல்லா குர்பாஸ் விலகுவதாக அறிவிக்கப்பட்டுள்ளது.

ZIM vs AFG: ஒருநாள் தொடரில் இருந்து ரஹ்மனுல்லா குர்பாஸ் விலகல்! (Image Source: Google)

ஆஃப்கானிஸ்தான் அணியானது தற்சமயம் ஜிம்பாப்வேவில் சுற்றுப்பயணம் மேற்கொண்டு 3 போட்டிகளை கொண்ட ஒருநாள் மற்றும் டி20 தொடர்களிலும், 2 போட்டிகள் கொண்ட டெஸ்ட் தொடரிலும் விளையாடி வருகிறது. இதில் நடைபெற்று முடிந்த டி20 தொடரில் ஆஃப்கானிஸ்தான் அணி 2-1 என்ற கணக்கில் ஜிம்பாப்வே அணியை வீழ்த்தி வெற்றிபெற்று அசத்தியது. 

இதையடுத்து ஜிம்பாப்வே மற்றும் ஆஃப்கானிஸ்தான் அணிகளுக்கு இடையேயான மூன்று போட்டிகள் கொண்ட ஒருநாள் தொடரின் முதல் போட்டி இன்று (டிசம்பர் 17)  ஹராரேவில் உள்ள ஸ்போர்ட்ஸ் கிளப் கிரிக்கெட் மைதானத்தில் நடைபெறவுள்ளது. இதில் ஆஃப்கானிஸ்தான் அணி ஏற்கெனவே டி20 தொடரை வென்றுள்ள நிலையில் ஒருநாள் தொடரிலும் அதனை தொடரும் முனைப்பில் விளையாடவுள்ளது.

அதேசமயம் டி20 தொடரில் அடைந்த தோல்விக்கு இந்த தொடரில் பதிலடி கொடுக்கும் முனைப்பில் இப்போட்டியில் விளையாடவுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இந்நிலையில் இப்போட்டியின் டாஸ் நிகழ்வானது மழை காரணமாக தாமதமாகியுள்ளது. இந்நிலையில் இத்தொடருக்கு முன்னரே ஆஃப்கானிஸ்தான் அணி பெரும் பின்னடைவை சந்தித்துள்ளது. 

அதன்படி அந்த அணியின் அதிரடி தொடக்க வீரர் ரஹ்மனுல்லா குர்பாஸ் காயம் காரணமாக் ஜிம்பாப்வேவுக்கு எதிரான ஒருநாள் தொடரில் இருந்து விலகியுள்ளதாக ஆஃப்கானிஸ்தன் கிரிக்கெட் வாரியம் அறிவித்துள்ளது. இதன் காரணமாக ஜிம்பாப்வே ஒருநாள் தொடருக்கான ஆஃப்கான் அணியில் முகமது இஷாக் சேர்க்கப்பட்டுள்ளார். மேற்கொண்டு காயத்தில் இருந்து மீண்டுள்ள முஜீப் உர் ரஹ்மானுக்கு இந்த ஒருநாள் தொடரில் ஓய்வளிக்கப்படுவதாகவும் அறிவிக்கப்பட்டுள்ளது. 

 

INJURY UPDATE

Afghanistan's batting sensation, @RGurbaz_21, has been ruled out of the ODI series due to a Grade 2B quadriceps injury along with a bony hip flexor injury. Mohammad Ishaq has been named as his replacement for the series.

Additionally, after careful… pic.twitter.com/vBmn16fTJo

— Afghanistan Cricket Board (@ACBofficials) December 17, 2024

ஆஃப்கானிஸ்தன் ஒருநாள் அணி: ஹஷ்மத்துல்லா ஷாஹிதி (கே), ரஹ்மத் ஷா, முகமது இஷாக், இக்ராம் அலிகில், அப்துல் மாலிக், செதிகுல்லா அடல், தர்வீஷ் ரசூலி, அஸ்மத்துல்லா ஒமர்சாய், முகமது நபி, குல்பதின் நைப், ரஷித் கான், நங்யால் கரோட்டி, அல்லா கசன்ஃபர், முஜீப் உர் ரஹ்மான், ஃபசல் ஹக் ஃபரூக்கி, பிலால் சமி, நவீத் ஜத்ரான், ஃபரித் அஹ்மத் மாலிக்.

Win Big, Make Your Cricket Tales Now