Wiaan Mulder Record: ஜிம்பாப்வே அணிக்கு எதிரான இரண்டாவது டெஸ்ட் போட்டியில் தென் ஆப்பிரிக்க அணியின் கேப்டனாக செயல்பட்டு வரும் வியான் முல்டர் முற்சதம் விளாசி பல்வேறு சாதனைகளை படைத்துள்ளார்.
ஜிம்பாப்வே - தென் ஆப்பிரிக்க அணி அணிகளுக்கு இடையேயான இரண்டாவது டெஸ்ட் போட்டி புலவாயோவில் நடைபெற்றறு வருகிறது. இப்போட்டியில் டாஸ் வென்ற ஜிம்பாப்வே அணி முதலில் பந்துவீசுவதாக அறிவித்தது. அதன்படி களமிறங்கிய தென் ஆப்பிரிக்க அணியில் ஸோர்ஸி 10 ரன்னிலும், அறிமுக வீரர் செனொக்வானே 3 ரன்னிலும் என விக்கெட்டை இழந்தனர். அவர்களைத் தொடர்ந்து அரைசதம் கடந்திருந்த பெடிங்ஹாம், பிரிட்டோரிஸ் ஆகியோரும் விக்கெட்டை இழந்தனர்.
அதேசமயம் இப்போட்டியில் தென் ஆப்பிரிக்க அணியின் கேப்டனாக செயல்பட்டு வரும் வியான் முல்டர் சர்வதேச டெஸ்ட் கிரிக்கெட்டில் தனது முதல் முற்சதத்தைப் பதிவுசெய்து அசத்தியதுடன் பல்வேறு சாதனைகளையும் படைத்துள்ளார். அதன்படி, சர்வதேச டெஸ்ட் கிரிக்கெட்டில் முற்சதம் விளாசிய இரண்டாவது தென் ஆப்பிரிக்க வீரர் எனும் பெருமையை வியான் முல்டர் பெற்றுள்ளார். முன்னதாக அந்த அணியின் முன்னாள் வீரர் ஹாசிம் அம்லா இந்த சாதனையைப் படைத்துள்ளார்.
