Ggw vs miw
அதிரடியாக விளையாட எனக்கு சிறப்பு மந்திரம் எதுவும் இல்லை - ஹர்மன்ப்ரீத் கவுர்!
மகளீர் பிரீமியர் லீக் தொடரின் இரண்டாவது சீசன் விறுவிறுப்பாக நடைபெற்று வருகிறது. இதில் நேற்று நடைபெற்ற லீக் போட்டி ஒன்றில் குஜராத் ஜெயண்ட்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தின. இப்போட்டியில் டாஸ் வென்று முதலில் பேட்டிங் செய்த குஜராத் ஜெயண்ட்ஸ் அணி பெத் மூனி மற்றும் தயாளன் ஹேமலதா ஆகியோரது அதிரடியான ஆட்டத்தின் மூலம் வலுவான இலக்கை நிர்ணயித்தது.
இதில் 20 ஓவர்கள் முடிவில் குஜராத் ஜெயண்ட்ஸ் அணி 7 விக்கெட்டுகள் இழப்பிற்கு 190 ரன்களை குவித்தது. இதில் அதிகபட்சமாக தமிழக வீராங்கனை தயாளன் ஹேமலதா 9 பவுண்டரி, 2 சிக்சர்கள் என 74 ரன்களையும், கேப்டன் பெத் மூனி 8 பவுண்டரி, 3 சிக்சர்கள் என என 66 ரன்களையும் சேர்த்தனர். மும்பை இந்தியன்ஸ் தரப்பில் சிறப்பாக பந்துவீசிய சைகா இஷாக் 2 விக்கெட்டுகளை வீழ்த்தினார்.