Rassie vander dussen

ZIM vs SA: ஜிம்பாப்வேவுக்கு எதிரான டி20 போட்டியில் தென் ஆப்பிரிக்க அணி கேப்டன் ரஸ்ஸி வேண்டர் டுசென் மற்றும் ருபின் ஹர்மான் ஆகியோர் அரைசதம் கடந்து அணிக்கு வெற்றியைத் தேடிக்கொடுத்தனர். 

தென் ஆப்பிரிக்கா, நியூசிலாந்து அணிகள் தற்சமயம் ஜிம்பாப்வேவில் சுற்றுப்பயணம் மேற்கொண்டு அந்த அணிக்கு எதிராக முத்தரப்பு டி20 தொடரில் விளையாடி வருகிறது.  இதில் நான்காவது லீக் போட்டியில் ஜிம்பாப்வே மற்றும் தென் ஆப்பிரிக்க அணிகள் பலப்பரீட்சை நடத்தின. ஹராரே ஸ்போர்ட்ஸ் கிளப் மைதானத்தில் நடைபெற்ற இப்போட்டியில் டாஸ் வென்ற தென் ஆப்பிரிக்க அணி முதலில் பந்துவீசுவதாக அறிவித்தது. இதையடுத்து களமிறங்கிய ஜிம்பாப்வே அணிக்கு வெஸ்லி மதவெரே மற்றும் பிரையன் பென்னட் இணை தொடக்கம் கொடுத்தனர்.