Srh

Image Source: Google

ஐபிஎல் 2021: பரபரப்பான ஆட்டத்தில் கேகேஆர் த்ரில் வெற்றி!

By Bharathi Kannan April 11, 2021 • 23:10 PM View: 706

சென்னை எம்.ஏ சிதம்பரம் கிரிக்கெட் மைதானத்தில் நடைபெற்ற ஐபிஎல் தொடரின் மூன்றாவது லீக் ஆட்டத்தில், சன்ரைசர்ஸ் ஹைதராபாத் - கொல்கத்தா நைட் ரைடர்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற ஹைதராபாத் அணியின் கேப்டன் டேவிட் வார்னர் கொல்கத்தா அணியை பேட்டிங் செய்ய அழைத்தார்.

அதன்படி களமிறங்கிய கொல்கத்தா அணியில் நிதீஷ் ராணா, ராகுல் திரிபாதி இணை அதிரடியான ஆட்டத்தை வெளிப்படுத்தி அரைசதம் கடந்ததோடு, அணியின் ஸ்கோரையும் மளமளவென உயர்த்தினர். அதன்பின் 53 ரன்களில் ராகுல் திரிபாதி ஆட்டமிழக்க, அவரைத் தொடர்ந்து 80 ரன்களில் நிதிஷ் ராணாவும் பெவிலியன் திரும்பினார்.