தன்னுடைய டாப்-5 வீரர்களை தேர்வுசெய்த ஆதில் ரஷித் - வைரலாகும் காணொளி!

இங்கிலாந்து அணியின் நட்சத்திர சுழற்பந்து வீச்சாளராக திகழ்ந்து வருபவர் ஆதில் ரஷித். மேற்கொண்டு இவர் ஐசிசி டி20 பந்துவீச்சாளர்கள் தரவரிசையிலும் முதலிடம் பிடித்து அசத்தியுள்ளார். இந்நிலையில் இவர் தற்சமயம் இங்கிலாந்தில் நடைபெற்றுவரும் தி ஹண்ட்ரட் கிரிக்கெட் கிரிக்கெட் தொடரிலும் விளையாடி வருகிறார். இந்நிலையில் அவர் சர்வதேச கிரிக்கெட்டில் தனது டாப் 05 பேட்டர், வேகப்பந்து, சுழற்பந்து வீச்சாளர்களை தேர்வு செய்துள்ளது.

அதன்படி, இங்கிலாந்து கிரிக்கெட் வீரர் அடில் ரஷீத், சர்வதேச வீரர்களில் முதல் ஐந்து பேட்ஸ்மேன்கள், முதல் ஐந்து வேகப்பந்து வீச்சாளர்கள் மற்றும் முதல் ஐந்து சுழற்பந்து வீச்சாளர்களை குருட்டு தரவரிசையில் தேர்வு செய்துள்ளார். மேலும் அவர், பேட்ஸ்மேன்களின் தரவரிசையில், அவர் விராட் கோலிக்கு நம்பர் ஒன் இடத்தியும், பாகிஸ்தான்ல் பாபர்ப் ஆசாமிற்கு 5ஆம் இடத்தையும் கொடுத்துள்ளார். இந்நிலையில் ஆதில் ரஷித்தின் இக்காணொளியானது வைரலாகிவுள்ளது.

அந்த காணொளியில், அடுத்த வீரரின் பெயர் தெரியாமல் ஆதில் ரஷித்  தனது விருப்பப்படி ஐந்து வீரர்களை தரவரிசைப்படுத்தினார். அதன் படி பேட்டர்களுக்கான தரவரிசையில், பாபர் அசாமிற்கு 5ஆம் இடத்தையும். கேன் வில்லியம்சனுக்கு 4ஆம் இடத்தையும், ஸ்டீவ் ஸ்மித்திற்கு 3ஆம் இடத்தையும், ஜோ ரூட்டிற்கு இரண்டாம் இடத்தையும் கொடுத்த அவர், விராட் கோலியின் பெயரைக் கூறியதுடம் முதலிடத்தை கொடுத்துள்ளார்.

இப்படி பேட்டர்களை தேர்வு செய்த ஆதில் ரஷித், வேகப்பந்து வீச்சாளர்களுக்கும் கண்மூடித்தனமான தரவரிசையை வழங்கினார். அந்தவகையில், இந்திய அணியின் வேகப்பந்து வீச்சாளர் ஜஸ்பிரித் பும்ராவ்விற்கு முதலிடத்தை கொடுத்த அவர், இங்கிலாந்தின் ஜோஃப்ரா ஆர்ச்சருக்கு இரண்டாம் இடத்தையும், நியூசிலாந்தின் டிரெண்ட் போல்ட், ஆஸ்திரேலியாவின் மிட்செல் ஸ்டார்க் மற்றும் பாகிஸ்தானின் ஷாஹீன் அஃப்ரிடி உள்ளிட்டோருக்கு அடுத்தடுத்த இடங்களை வழங்கியுள்ளார். 

Also Read: Akram ‘hopes’ Indian Team Will Travel To Pakistan For 2025 Champions Trophy

அதனைத்தொடர்ந்து தனது டாப் 05 சுழற்பந்துவீச்சாளர்கள் வரிசை குறித்து பேசிய அவர் பாகிஸ்தானின் ஷதாப் கானிற்கு 5ஆம் இடத்தையும், ஆஸ்திரேலியாவின் ஆடம் ஸாம்பாவிற்கு 4ஆம் இடத்தையும். ஆஃப்கானிஸ்தானின் ரஷித் கானிற்கு 3ஆம் இடத்தையும், இந்திய அணியின் குல்தீப் யாதவிற்கு இரண்டாம் இடத்தையும் கொடுத்த அவர் தனக்கு முதல் இடத்தைக் கொடுத்துக்கொண்டார். இந்நிலையில் இக்காணொளியானது இணையத்தில் வைரலாகி வருகிறது.