AUS vs IND: மழையால் கைவிடப்பட்டது முதல் டி20 போட்டி!

இந்திய அணி தற்சமயம் ஆஸ்திரேலியாவில் சுற்றுப்பயணம் செய்து தற்சமயம் 3 போட்டிகள் கொண்ட ஒருநாள் மற்றும் 5 போட்டிகள் கொண்ட டி20 தொடரில் விளையாடி வருகிறது. இதில் நடைபெற்ற ஒருநாள் தொடரில் ஆஸ்திரேலிய அணி 2-1 என்ற கணக்கில் வெற்றி பெற்று அசத்தியுள்ளது. இதையடுத்து, ஆஸ்திரேலியா - இந்தியா அணிகளுக்கு இடையேயான டி20 தொடரானது இன்று தொடங்கியது.

இதில் கான்பெர்ராவில் உள்ள மனுகா ஓவல் கிரிக்கெட் மைதானத்தில் நடைபெற்ற முதல் டி20 போட்டியில் டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்தது. அதன்படி முதலில் பேட்டிங் செய்ய களமிறங்கிய இந்திய அணிக்கு அபிஷேக் சர்மா - ஷுப்மன் கில் இணை தொடக்கம் கொடுத்தனர். இதில் வழக்கம் போல் அதிரடியாக தொடங்கிய நிலையில், 4 பவுண்டரிகளுடன் 19 ரன்களைச் சேர்த்து விக்கெட்டை இழந்தார்.

பின்னர் ஷுப்மன் கில்லுடன் இணைந்த கேப்டன் சூர்யகுமார் யாதவும் அதிரடியாக விளையாட அணியின் ஸ்கோரும் மளமளவென உயர்ந்தது. இருவரும் இணைந்து 50 ரன்களுக்கு மேல் பார்ட்னர்ஷிப் அமைத்த நிலையில் மழை குறுக்கிட்டதன் காரணமாக ஆட்டம் தடைபட்டது. அச்சமயத்தில் சூர்யகுமார் யாதவ் 3 பவுண்டரிகள், 2 சிக்ஸர்கள் என 39 ரன்களையும், ஷுப்மன் கில் 4 பவுண்டரி, ஒரு சிக்ஸர் என 37 ரன்களையும் சேர்த்தனர். 

மேலும் இந்திய அணி 9.4 ஓவர்களில் ஒரு விக்கெட்டை மட்டுமே இழந்து 97 ரன்களை எடுத்திருந்தது. இருப்பினும் மழை தொடர்ந்து நீடித்த காரணத்தால், இரு அணிகளுக்கும் இடையிலான முதல் டி20 போட்டி முடிவு எட்டப்படாமல் கைவிடப்படுவதாக அறிவிக்கப்பட்டது. இதனைத் தொடர்ந்து இரு அணிகளுக்கும் இடையிலான இரண்டாவது ஒருநாள் போட்டி அக்டோபர் 31ஆம் தேதி மெல்போர்னில் நடைபெறவுள்ளது. 

ஆஸ்திரேலியா பிளேயிங் லெவன்: மிட்செல் மார்ஷ் (கேப்டன்), டிராவிஸ் ஹெட், ஜோஷ் இங்கிலிஸ் (விக்கெட் கீப்பர்), டிம் டேவிட், மிட்செல் ஓவன், மார்கஸ் ஸ்டோய்னிஸ், ஜோஷ் பிலிப், சேவியர் பார்ட்லெட், நாதன் எல்லிஸ், மேத்யூ குஹ்னேமன், ஜோஷ் ஹேசில்வுட்

Also Read: LIVE Cricket Score

இந்தியா பிளேயிங் லெவன்: அபிஷேக் சர்மா, ஷுப்மான் கில், சூர்யகுமார் யாதவ் (கேப்டன்), திலக் வர்மா, சஞ்சு சாம்சன், ஷிவம் துபே, அக்சர் படேல், ஹர்ஷித் ராணா, குல்தீப் யாதவ், வருண் சக்ரவர்த்தி, ஜஸ்பிரித் பும்ரா.